Búgin Abai oblysy ákimi Berik Ýálidiń tóraǵalyǵymen ákimdik otyrysy ótti. Jiynǵa oblystyq basqarma basshylary, aýdan jáne qala ákimderi, óńirlik departament jetekshileri qatysty,- dep habarlaidy Dalanews.kz
Otyrysta bilim berý nysandarynyń qurylysy jáne jóndeý jumystary, respýblikalyq, oblystyq jáne aýdandyq mańyzy bar joldardaǵy qurylys, jóndeý jáne kútip ustaý jumystary, mindetti áleýmettik meditsinalyq saqtandyrý júiesiniń ózekti máseleleri qaraldy. Bilim berý nysandarynyń qurylysy jáne jóndeý jumystary týraly Qurylys basqarmasynyń basshysy Shyńǵys Riahanov pen Bilim basqarmasy basshysynyń mindetin atqarýshy Baýyrjan Týlenov baiandady.
Biyl oblysta 2 jańa mektep paidalanýǵa berildi. Semeidegi Qaraǵaily yqsham aýdanynda 1200 oryndyq, Besqaraǵai aýylynda 300 oryndyq mektep ashyldy. Oblys ortalyǵynyń Vodnyi kentindegi 600 oryndyq mektep jańa oqý jylynda jumysyn bastaidy.
Qazirgi ýaqytta óńirde eki mekteptiń qurylysy jalǵasýda. Aiagóz qalasyndaǵy 600 oryndyq mektep jańa oqý jylynda paidalanýǵa beriledi dep josparlanǵan. Shyǵys kentindegi 300 oryndyq mekteptiń qurylysy endi bastaldy. Sonymen qatar, aimaqtaǵy 6 mektepke qosymsha ǵimarat salý kózdelgen. Semei qalasyndaǵy eki mekteptegi bastalǵan jumysty aiaqtaý úshin qosymsha qarjy bólý qajettigi týyndap otyr.
Jiynda óńirdegi bilim nysandarynyń materialdyq-tehnikalyq bazasyn jańartý jaiy da talqylandy. Biyl 2,9 mlrd teńgege oblystaǵy mektepterge kúrdeli jóndeý júrgizý josparlanyp otyr. Onyń 1,1 mlrd teńgesi «Aýyl – el besigi» baǵdarlamasy aiasynda qarastyrylǵan. Semei qalasy, Aiagóz, Besqaraǵai, Jańasemei, Úrjar aýdandaryndaǵy 12 mekteptiń shatyr, elektr júieleri, esik-terezeleri aýystyrylady. Budan bólek 85 mektepte aǵymdaǵy jóndeý júrgizilýde. Otyrysta bul baǵyttaǵy jumystardyń kesteden keshigip jatqany aityldy.
Oblys ákimi jiynda Qurylys jáne bilim basqarmalary basshylarynyń usynǵan málimetteriniń tolyq zerdelenbegenin synǵa aldy. Aimaqtaǵy mektepterdiń materialdyq-tehnikalyq jaǵdaiyn jaqsartý boiynsha naqty esep, júieli saraptama jasalmai otyrǵanyn aitty.
«Bilim salasy boiynsha aldaǵy úsh jylda qansha mektep salamyz? Soǵan bailanysty nege naqty usynys bermeisizder? Oblysta qurylysy bastalyp, túrli sebeptermen toqtap qalǵan nysandar bar. Sol nysandar boiynsha da eshqandai usynys joq. «20-dan astam mekteptiń jobalyq-smetalyq qujattamasyn ázirlep jatyrmyz» deisizder. Olardyń qurylysyn qarjylandyrý negizdelmegen. Biz birinshi kezekte oblystaǵy apatty mektepterdiń máselesin sheshýimiz kerek. Semeidegi Vodnyi kenti men Aiagózdegi mektepterdi 1 qyrkúiekte iske qosýymyz qajet», - dedi aimaq basshysy.
Ákimdik otyrysynda oblys ákimi salaǵa jaýapty orynbasary Serik Tólenbergenovke mektepterdiń qurylys barysyn qatań baqylaýǵa alyp, jumysty ilgerletý maqsatynda «Samuruq-Qazynanyń» ókilderimen jumys júrgizýdi, Bilim basqarmasyna mektepterdegi renovatsiia jáne aǵymdaǵy jóndeý jumystaryn merziminde aiaqtaýdy qamtamasyz etýdi tapsyrdy. Aýdan jáne qala ákimderine bilim berý nysandarynyń mańynda bei-bereket qoqys oryndarynyń paida bolýyna jol bermeý mindetteldi. Merdigerlerge qurylys qaldyqtaryn arnaiy oryndarǵa shyǵarý talaby qoiylady. Bul talap oryndalmaǵan jaǵdaida aiyppul salý sharalary qarastyrylady.
