Almaty oblysynda birinshi jartyjyldyqta 15317 jumys orny quryldy, onyń ishinde 9366 turaqty. Bul jaıynda Almaty oblysy ekonomıka jáne búdjettik josparlaý basqarmasy basshysynyń mindetin atqarýshy Baqytkúl Tólebekova  málimdedi, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Jalpy, oblys boıynsha 32,6 myń jumyssyz retinde tirkelgen. Aımaqtaǵy  jumyssyzdyq deńgeıi sońǵy alty aıda 4,8% qurady.

Óńirde ózin-ózi jumyspen qamtyǵandarda barshylyq. Olardyń  sany 188,6 myń adamdy quraıdy, jumyspen qamtylǵan halyqtyń ishindegi úlesi – 28,6%.

Aıta keteıik, aımaq halqy Kásipkerlikti damytýdyń ulttyq jobasynyń sharapatyn kórýde. Atalmysh joba aıasynda  6,5 mlrd teńge bólinip, 12,9 myń ózin-ózi nátıjesiz jumyspen qamtyǵan jáne jumyssyz azamattar memlekettik qoldaý sharalarynyń arqasynda jumyspen qamtyldy.

Máselen, qysqa merzimdi kásiptik oqýǵa 1280 adam jiberiletin bolady, onyń ishinde aǵymdaǵy jyldyń 1 shildesine 559 adam jiberildi.

– Birinshi jartyjyldyqta 10761 adam jumysqa ornalastyryldy, onyń ishinde 5246-sy nemese 48,7%-y turaqty jumys oryndaryna ornalasty, – dedi Baqytkúl Tólebekova.

Almaty oblysynda eki aımaǵynda turaqty jumysqa ornalasý deńgeıi tómen. Olar – Qonaev qalasy men Balqash aýdandary. Mundaǵy kórsetkish 25%-dan aspaı tur.

Al jastar tájirıbesi aıaqtalǵannan keıin jumysqa ornalasýdyń tómen paıyzy Qarasaı aýdanynda tirkelgen. Bul jerde kórsetkish 27,3% quraıdy.  Jambyl aýdanynda ahýal tipti nashar. Atalǵan aýdanda birde-bir adam jumysqa ornalaspaǵan.

– Qoǵamdyq jumystar aıaqtalǵannan keıin turaqty jumysqa ornalasý tómen deńgeıi  Jambyl – 3%, İle – 6,8%, Talǵar – 19,2%, Balqash – 25% aýdandarynda tirkeldi. Tipti, Eńbekshiqazaq aýdanynda birde-bir adam jumysqa turmaǵan, – dep qorytyndylady Baqytkúl Tólebekova.