– Elimizde Úkimet basshysy Asqar Maminniń qoldaýymen, Ekologiia, geologiia jáne tabiǵi resýrstar ministriniń bastaýymen Qazaqstan boiynsha júrip jatqan aktsiiaǵa búgin barsha jetisýlyqtar da óz úlesterin qosyp otyr. Elim, jerim degen ár azamat óz týǵan jeriniń taǵdyryna, qorshaǵan ortaǵa janashyrlyqpen qaraýy tiis. Búgingi igiligi mol istiń nátijesinde ainalamyz tazaryp, eldiń tabiǵat aiasynda erkin tynyǵýyna jaǵdai jasalatyn bolady. Isimizge sáttilik tileimin! – dedi S.Beskempirov.
Qapshaǵai qalasy jáne jalpy óńiri boiynsha barlyq memlekettik mekemeler, kommýnaldyq kásiporyndar, bilim berý salasy, túrli kooperativter, erikti jastar, jalpy qala turǵyndary belsendilik tanytty.
Tabiǵat janashyrlary iske jumyldyrylǵan 26 tehnikanyń kómegimen qaladaǵy barlyq kóshe boilaryn, ǵimarattar aýmaqtaryn, ortalyq býlvardy, shaǵyn aýdandardy, jalpy aýmaǵy 40 shaqyrym bolatyn 7 jaǵajaidy, jalpy 220 gektar quraityn aýmaqty tazalap, 50 tonnadan astam turmystyq qatty qaldyqtar shyǵaryldy.
Tabiǵat qorǵaý salasy mamandarynyń aitýynsha, balyq aýlaýdyń tyiym salynǵan quraldaryn paidalanyp, ony sýǵa qaldyryp ketetinder de bar eken. Bul bir ret paidalanatyn torlar sýda jatyp shirip, oǵan balyqtar shyrmalyp qalyp, aqyry shirip tabiǵatqa orasan zor ziian keltiredi. Osyndai ziiandy quraldardy sý ishinen alyp shyǵýǵa jaǵajailardaǵy 5 kater kóp kómektesýde.
Aktsiiaǵa qatysýshylar arasynda ardagerler de boldy. Qapshaǵai qalalyq qoǵamdyq kelisim keńesiniń tóraǵasy Amangeldi Besbaev:
– Búgin aktsiia ótetinin estip, úide qarap jata almadyq. Tabiǵat tazalyǵyna árqaisymyz da atsalysýymyz kerek. Biz keleshek urpaqqa jerimizdi taza qalpynda tabystaýǵa tiispiz. Jáne biz óz belsendiligimizben jastarǵa úlgi kórsetsek deimiz. Búgingi aktsiiaǵa jastardyń kóptep jinalǵany bizdi qýantady, – dep pikir bildirdi.
Osyndai ekologiialyq shara týristerdiń súiikti oryndaryna ainalǵan Alakól, Balqash kólderiniń jaǵalaýlaryn, ózenderdiń boilaryn, jalpy kópshilik demalatyn oryndardy qamtydy. Máselen, Alakól aýdanynda aktsiiaǵa 11 myńnan astam adam tartylsa, sonyń 3 jarym myńy kól jaǵalaýyna jumyldyrylǵan.
Atap ótsek, Oblystyq energetika jáne turǵyn úi kommýnaldyq sharýashylyǵy basqarmasynyń málimeti boiynsha Almaty oblysynda jalpy 1317 gektar aýmaq tazalanyp, 612 tonna TQQ shyǵaryldy.
Almaty oblysy ákiminiń baspasóz qyzmeti
