Caýda jáne integratsiia ministrligi ishki saýda erejelerine jáne saýda naryqtarynyń qyzmetine birqatar ózgerister men túzetýler engizdi. Atalǵan vedomstvo buiryǵy 11 qazannan bastap óz kúshine enip, tutynýshylarǵa da, saýdagerlerge áser etetin bolady, dep habarlaidy Dalanews.kz.
Bul rettegi basty jańashyldyq qazaqstandyq taýarlarǵa arnalǵan mindetti kvotany engizý bolmaq. Oǵan sáikes, endi dúken sórelerine qoiylǵan taýarlardyń kem degende 30% otandyq bolýy tiis. Onda da bul kvota bylaisha jekelei qoldanylady:
- azyq-túlik taýarlary ornalasqan sórelerdiń keminde 30%-y qazaqstandyq ónimderge berilýi tiis.
- azyq-túlikke jatpaityn taýarlary bar sórelerdiń kem degende 30%-y otandyq bolýy tiis.
"Eger dúken iesi jergilikti taýarlardyń jetkilikti mólsherin taba almasa, kvotany toltyrý úshin otandyq óndirýshilerdiń biryńǵai tizilimine ótinim joldaýy mindetti. Ótinim qanaǵattandyrylmaǵan jaǵdaida ǵana satýshy qalǵan oryndy óz qalaýy boiynsha toltyra alady", - deidi mamandar.
Bir taýardyń eki túrli baǵasyn kórsetý
Sonymen qatar ózgerister tutynýshylar úshin ashyqtyqty arttyrýǵa baǵyttalǵan.
Eki dara bólek baǵalar: endi satýshy taýardyń eki baǵasyn kórsetip qoiýǵa mindetti, eger ol óz qarajaty esebinen bólip tóleý tásilin usynsa: bireýi - bir rettik tólem úshin, ekinshisi - bólip tóleý tásilin qoldanatyn tutynýshy úshin. Bul tutynýshylarǵa aiyrmashylyqty anyq kórýge jáne soǵan sáikes ózine ońtaily sheshim qabyldaýǵa múmkindik beredi.
Aktsiiaǵa qoiylǵan taýarlarǵa kepildik berý
"Tutynýshylardyń quqyqtaryn qorǵaý týraly" QR Zańyna sáikes, jeńildikpen usynylǵan nemese jappai satylymǵa (onyń ishinde bólip-bólip) shyǵarylǵan barlyq taýarǵa tutynýshyǵa qatysty kepildik berý, aiyrbastaý jáne keri qaitarý syndy quqyqtary tolyq kólemde qoldanylýy tiis ekeni naqtylanady.
Saýda ortalyqtary men bazarlarǵa arnalǵan jańa mindetter
Saýda ortalyqtary men bazarlardyń ákimshilikteri úshin tártip pen ashyqtyqty qamtamasyz etý boiynsha birqatar jańa talaptar engiziledi:
- Shaǵymdanýǵa arnalǵan QR kodtary: árbir jalǵa alynǵan saýda ornynda satyp alýshylarmen keri bailanys bolýy úshin QR kod qoiylýy kerek.
Jariialylyq
Ákimshilik jumys reglamentin, jaldaý erejelerin jáne qyzmetter tizimin saitta jáne qoljetimdi oryndarda ornalastyryp, jariialaýǵa mindetti.
Sanitarlyq kúnder: mindetti túrde sanitarlyq kúnder engiziledi, al saýda ortalyǵy men saýda oiyn-saýyq ortalyqtaryna kún saiyn tazalyq júrgizý mindetteledi.
Eseptilik: saýda oryndarynda qozǵalys shemasy kórneki jerge ornatylyp, tutynýshylar týraly málimetterdi memlekettik aqparattyq júiege jyl saiyn usynýy mindetti.
"Áleýmettik mańyzy bar azyq-túlik taýarlaryn satý kezinde oǵan ústemeaqy retinde shyǵystardy engizýge tikelei tyiym salynady. Atap aitqanda, ústeme aqy tóleýge tyiym salynady:
- bólshek saýdagerge tólenetin syiaqylardy (mysaly, jetkizýshilerdiń retro bonýstary).
- tasymaldaý, saqtaý jáne importtaý shyǵyndaryn.
- jasyryn komissiialar men alymdardy.
- nesieler men saqtandyrýdy rásimdeýge bailanysty shyǵystar.
Buǵan deiin qarjyger maman dúkende taýardyń eki baǵasyn bólek kórsetý amaly jaqsylyqqa aparmaitynyn boljap, tájiribe júzinde esep-qisaptar usynǵan bolatyn.
