Qazan aiynda eldegi turǵyn úi baǵasy taǵy shamamen 1%-ǵa qymbattady, dep habarlaidy Dalanews.kz.
Ulttyq statistika biýrosynyń dereginshe, 2025 jylǵy qazanda jańa turǵyn úidiń 1 sharshy metriniń ortasha baǵasy 555 161 teńge, al ekinshi naryqtaǵy turǵyn úidiń sharshy metri 571 828 teńge boldy. Bul ótken jyldyń qazan aiymen salystyrǵanda sáikesinshe 13,1% jáne 11,6% ósim. Bir aidyń ishinde baǵa jańa baspanada 1%, al ekinshi naryqta 0,9% kóterildi.
Páter jaldaý da qymbattady
Tenge.kz sarapshylarynyń sózinshe, 2025 jyldyń qazanynda Qazaqstanda turǵyn úidiń 1 sharshy metrin jalǵa alý quny 4 807 teńgege jetti. Bul ótken jyldyń dál osy aiymen salystyrǵanda 10,5%, al 2025 jylǵy qyrkúiekpen salystyrǵanda 1,2% joǵary.
Jańa turǵyn úi boiynsha eń qymbat qalalar
- Almaty – 667 027 teńge/sh.m
- Astana – 650 133 teńge/sh.m
- Atyraý – 521 361 teńge/sh.m
Eń arzan jańa baspana kelesi qalalarda tirkelgen:
- Oral – 299 155 teńge/sh.m
- Aqtóbe – 313 978 teńge/sh.m
- Kókshetaý – 332 973 teńge/sh.m
Ekinshi naryqtaǵy eń joǵary baǵalar:
- Almaty – 716 112 teńge/sh.m
- Astana – 678 190 teńge/sh.m
- Atyraý – 495 004 teńge/sh.m
Eń tómen baǵalar tirkelgen qalalar:
- Qyzylorda – 312 596 teńge/sh.m
- Kókshetaý – 340 919 teńge/sh.m
- Aqtaý – 342 500 teńge/sh.m
Páter jaldaý naryǵy
Jalǵa beriletin jaily turǵyn úilerdiń eń joǵary baǵasy:
- Almaty – 5 629 teńge/sh.m
- Astana – 5 287 teńge/sh.m
- Qaraǵandy – 4 638 teńge/sh.m
Eń tómen baǵa kórsetkishi bar qalalar:
- Taraz – 2 362 teńge/sh.m
- Túrkistan – 2 602 teńge/sh.m
- Aqtóbe – 3 049 teńge/sh.m
2025 jyldyń qazan aiynda el boiynsha 41 259 turǵyn úidi satý-satyp alý mámilesi tirkeldi. Bul kórsetkish qyrkúiek aiymen salystyrǵanda 0,1% az, al ótken jyldyń qazanymen salystyrǵanda 5,4% kóp.
Satý-satyp alý boiynsha kóshbasshylar:
- Astana – 8 945 mámile
- Almaty – 7 868 mámile
- Qaraǵandy oblysy – 2 982 mámile
Eń az mámile Ulytaý oblysynda tirkelgen – bar bolǵany 327.
Óńirlik ózgerister
Qyrkúiekpen salystyrǵanda qazanda mámileler sany eń kóp ósken óńirler:
- Qostanai oblysy – +15,8%
- Shymkent qalasy – +7,7%
- Almaty oblysy – +7,4%
Al tómendeý baiqalǵan óńirler:
- Qyzylorda oblysy – -28,4%
- Almaty qalasy – -11,2%
- Aqtóbe oblysy – -5,2%.
