Jambyl oblysynyń politseileri kámeletke tolmaǵan balalardyń óz erkimen úiden ketý derekteriniń artýyna bailanysty ata-analardy balalaryna kóbirek kóńil bólip, otbasyndaǵy qarym-qatynasty kúsheitýge úndedi, dep habarlaidy Dalanews.kz.
Politsiia dereginshe, 2025 jyly óńirde osyndai 260 jaǵdai tirkelgen. Onyń ishinde eń kóp derek 11–15 jas aralyǵyndaǵy jasóspirimder arasynda – 180 fakt. Al 16–17 jastaǵy balalar arasynda – 72 jaǵdai, 6–10 jas sanatynda – 24 derek anyqtalǵan. Sonymen qatar 2–5 jastaǵy balalarǵa qatysty da jekelegen oqiǵalar bolǵan.
Quqyq qorǵaý organdarynyń málimeti boiynsha, balalardyń úiden ketýiniń basym bóligi emotsiialyq sebepterge jáne otbasylyq janjaldarǵa bailanysty týyndaidy. Osyndai sipattaǵy 104 derek tirkelgen. Kei jaǵdailarda áleýmettik-turmystyq qiyndyqtar da áser etken.
Politsiia ókilderi mundai oqiǵalardyń aldyn alý otbasyndaǵy senimge, jyly qarym-qatynas pen balanyń emotsiialyq jaǵdaiyna kóńil bólýden bastalatynyn atap ótti.
