جامبىل وبلىسىنىڭ پوليسەيلەرى كامەلەتكە تولماعان بالالاردىڭ ءوز ەركىمەن ۇيدەن كەتۋ دەرەكتەرىنىڭ ارتۋىنا بايلانىستى اتا-انالاردى بالالارىنا كوبىرەك كوڭىل ءبولىپ، وتباسىنداعى قارىم-قاتىناستى كۇشەيتۋگە ۇندەدى، دەپ حابارلايدى Dalanews.kz.
پوليسيا دەرەگىنشە، 2025 جىلى وڭىردە وسىنداي 260 جاعداي تىركەلگەن. ونىڭ ىشىندە ەڭ كوپ دەرەك 11–15 جاس ارالىعىنداعى جاسوسپىرىمدەر اراسىندا – 180 فاكت. ال 16–17 جاستاعى بالالار اراسىندا – 72 جاعداي، 6–10 جاس ساناتىندا – 24 دەرەك انىقتالعان. سونىمەن قاتار 2–5 جاستاعى بالالارعا قاتىستى دا جەكەلەگەن وقيعالار بولعان.
قۇقىق قورعاۋ ورگاندارىنىڭ مالىمەتى بويىنشا، بالالاردىڭ ۇيدەن كەتۋىنىڭ باسىم بولىگى ەموسيالىق سەبەپتەرگە جانە وتباسىلىق جانجالدارعا بايلانىستى تۋىندايدى. وسىنداي سيپاتتاعى 104 دەرەك تىركەلگەن. كەي جاعدايلاردا الەۋمەتتىك-تۇرمىستىق قيىندىقتار دا اسەر ەتكەن.
پوليسيا وكىلدەرى مۇنداي وقيعالاردىڭ الدىن الۋ وتباسىنداعى سەنىمگە، جىلى قارىم-قاتىناس پەن بالانىڭ ەموسيالىق جاعدايىنا كوڭىل بولۋدەن باستالاتىنىن اتاپ ءوتتى.
