«Bilásh daýy». Muhtar Shahanov Oljas Súleimenovtyń aitqanyna nege qulaq aspady?
Keńes zamanynda boiǵa sińgen ol qandai ádet dep oilap otyrǵan bolarsyz? Aitaiyq.
70 jyly halyqty ezgide ustaǵan keńestik júie qazaqty boiyndaǵy bekzat bolymysynan aiyryp, talai jandy jaltaq, jalaqor, jaramsaqqa ainaldyrǵany jasyryn emes.
Stalindik qýǵyn-súrin kezinde sút betindegi qaimaqtarymyzdyń ustalyp, atylyp ketýine aramyzdan shyqqan jaramsaqtar kóp yqpal etkeni jasyryn emes.
Ult múddesi úshin basyn báigege tikkender qynadai qyrylyp, olardyń ornyn jarmsaqtar basty. Iá, bul ashy da bosla shyndyq.
80 jyldardyń basynda belgili aqyn Oljas Súleimenov ult múddesi jolynda qyzmet etken azamattardyń syrtynan qaralaýshylarǵa qaratyp: «Biz – biik minbelerde ult múddesin kóterip júrgen jandardy qorǵamasaq ta, olar jaiynda jaiynda jaman sóz aitpai úndemei qalaiyqshy, eń qurmaǵanda qolymyzdan úndemeý keletin shyǵar...» dep aitqan edi. Iá, ýaqytynda úndemei qalý da bekzattyq bolymysqa jatady.
Qazir Qytaidaǵy qazaqtardyń múddesin qorǵap júrgen, quqyq qorǵaýshy Serikjan Biláshqa qatysty daýdyń qyzý bet qaratpai tur. Biraz jurt Biláshti qoldasa ekinshi toby ony qaralap álek. Bul jerde qaisy bir toptyń soiylyn soǵaiyq dep turǵan jaiymyz joq.
Bizdi qinaityny osy bitpes daýǵa Muhtar Shahanovtyń aralasqany janymyzǵa batady. Muhańnyń qoǵamdyq-saiasi ómirde óz oryny, óziniń kótergen taqyryby, kerek deseńiz óz «shyndyǵy» bar ekenin bilemiz.
Dál osy joly Shahanov qalamdas áriptesi Oljas Súleimnovtyń aitqan sózine qulaq asyp, Bilásh daýyna aralaspai úndemei qalýy kerek edi. Ol úshin Shahanovty eshkim jazǵyrmas edi. Siz qalai oilaisyz, aǵaiyn?!
Nurlan JUMAHAN
