Májiliske Arys qalalyq máslihatynyń hatshysy, máslihat depýtattary, qurylysqa jaýapty mekeme basshylary, partiia belsendileri qatysty. Jiyndy ashqan «Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev Arys qalasyn qalpyna keltirý jumystarynyń barysy oblys ákimi men «Nur Otan» partiiasynyń únemi nazarynda ekenin atap ótti.
«Nur Otan» partiiasy Túrkistan oblystyq filialy Arys qalasynda bolǵan tótenshe jaǵdaiǵa bailanysty turǵyndardan túsken aryz-shaǵymdardyń oń sheshilýine yqpal etetin bolady. Búginde oblystyq filialǵa qala turǵyndarynan 175 shaǵym túsip, onyń 126-y oń sheshimin tapty. Qazirgi tańda 49 másele qaralýda. Arys qalasynda qurylysy tolyq bitken baspanalar 90,7 paiyzǵa jetti.
Jarylystan zardap shekken shahardy qalpyna keltirý keste boiynsha júrgizilýde. Biraq búgingi tańda úi ieleriniń kelisim bermeýine bailanysty 53 baspanada qurylys bastalmaǵan. Endigi kezekte biz turǵyndardyń talap-tilegin tyńdap, ótinishterine qulaq asatyn bolamyz», dedi «Nur Otan» partiiasy Túrkistan oblystyq filialy tóraǵasynyń birinshi orynbasary B. Tájibaev.
Aita keteiik, ótken aida «Nur Otan» partiiasy tóraǵasynyń Birinshi orynbasary Baýyrjan Baibek Arys qalasyna arnaiy kelip, qaladaǵy qalpyna keltirý jumystarymen tanysqan edi.
Sondai-aq turǵyndarmen kezdesip, arystyqtarǵa memleket tarapynan jan-jaqty kómek kórsetiletinin atap ótken bolatyn. Osy oraida, «Nur Otan» partiiasynyń Túrkistan oblystyq filialy tóraǵasynyń birinshi orynbasary B.Tájibaev májilisten soń birden qaladaǵy 9, 12 sektor jumysyn baqylap, turǵyn úilerdi aralady.
Jalpy, Arys qalasynda turǵyn úi sany – 8634. Tótenshe jaǵdaidan keiin jóndeý jumystaryn qajet etetini 7197 quraidy. Al 433 baspana tolyq qalpyna keltirilmek. Sonyń ishinde jańadan 420 jeke turǵyn úi men 3 kópqabatty úidi qaita soǵý jumystary júrgizilýde. Árbir sektordaǵy jumystardy júrgizý úshin oblys, qalalardan 7579, aýdandardan 315 jumysshy tartylǵan.
