مەجٸلٸسكە ارىس قالالىق مەسليحاتىنىڭ حاتشىسى, مەسليحات دەپۋتاتتارى, قۇرىلىسقا جاۋاپتى مەكەمە باسشىلارى, پارتييا بەلسەندٸلەرٸ قاتىستى. جيىندى اشقان «Nur Otan» پارتيياسى تٷركٸستان وبلىستىق فيليالى تٶراعاسىنىڭ بٸرٸنشٸ ورىنباسارى بەيسەن تەجٸباەۆ ارىس قالاسىن قالپىنا كەلتٸرۋ جۇمىستارىنىڭ بارىسى وبلىس ەكٸمٸ مەن «Nur Otan» پارتيياسىنىڭ ٷنەمٸ نازارىندا ەكەنٸن اتاپ ٶتتٸ.
«Nur Otan» پارتيياسى تٷركٸستان وبلىستىق فيليالى ارىس قالاسىندا بولعان تٶتەنشە جاعدايعا بايلانىستى تۇرعىنداردان تٷسكەن ارىز-شاعىمداردىڭ وڭ شەشٸلۋٸنە ىقپال ەتەتٸن بولادى. بٷگٸندە وبلىستىق فيليالعا قالا تۇرعىندارىنان 175 شاعىم تٷسٸپ, ونىڭ 126-ى وڭ شەشٸمٸن تاپتى. قازٸرگٸ تاڭدا 49 مەسەلە قارالۋدا. ارىس قالاسىندا قۇرىلىسى تولىق بٸتكەن باسپانالار 90,7 پايىزعا جەتتٸ.
جارىلىستان زارداپ شەككەن شاھاردى قالپىنا كەلتٸرۋ كەستە بويىنشا جٷرگٸزٸلۋدە. بٸراق بٷگٸنگٸ تاڭدا ٷي يەلەرٸنٸڭ كەلٸسٸم بەرمەۋٸنە بايلانىستى 53 باسپانادا قۇرىلىس باستالماعان. ەندٸگٸ كەزەكتە بٸز تۇرعىنداردىڭ تالاپ-تٸلەگٸن تىڭداپ, ٶتٸنٸشتەرٸنە قۇلاق اساتىن بولامىز», دەدٸ «Nur Otan» پارتيياسى تٷركٸستان وبلىستىق فيليالى تٶراعاسىنىڭ بٸرٸنشٸ ورىنباسارى ب. تەجٸباەۆ.
ايتا كەتەيٸك, ٶتكەن ايدا «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك ارىس قالاسىنا ارنايى كەلٸپ, قالاداعى قالپىنا كەلتٸرۋ جۇمىستارىمەن تانىسقان ەدٸ.
سونداي-اق تۇرعىندارمەن كەزدەسٸپ, ارىستىقتارعا مەملەكەت تاراپىنان جان-جاقتى كٶمەك كٶرسەتٸلەتٸنٸن اتاپ ٶتكەن بولاتىن. وسى ورايدا, «Nur Otan» پارتيياسىنىڭ تٷركٸستان وبلىستىق فيليالى تٶراعاسىنىڭ بٸرٸنشٸ ورىنباسارى ب.تەجٸباەۆ مەجٸلٸستەن سوڭ بٸردەن قالاداعى 9, 12 سەكتور جۇمىسىن باقىلاپ, تۇرعىن ٷيلەردٸ ارالادى.
جالپى, ارىس قالاسىندا تۇرعىن ٷي سانى – 8634. تٶتەنشە جاعدايدان كەيٸن جٶندەۋ جۇمىستارىن قاجەت ەتەتٸنٸ 7197 قۇرايدى. ال 433 باسپانا تولىق قالپىنا كەلتٸرٸلمەك. سونىڭ ٸشٸندە جاڭادان 420 جەكە تۇرعىن ٷي مەن 3 كٶپقاباتتى ٷيدٸ قايتا سوعۋ جۇمىستارى جٷرگٸزٸلۋدە. ەربٸر سەكتورداعى جۇمىستاردى جٷرگٸزۋ ٷشٸن وبلىس, قالالاردان 7579, اۋدانداردان 315 جۇمىسشى تارتىلعان.
