Jetisý oblysynyń ákimi Beibit Isabaev investorlarmen kezdesý ótkizdi. Kezdesý barysynda taraptar investitsiialyq yntymaqtastyqtyń, sonyń ishinde agroónerkásiptik keshen salasynyń investitsiialyq múmkindikteri men áleýeti týraly máseleni talqylady,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Qytailyq seriktesterdiń qatysýymen óńirde birqatar jobalar iske asyrylyp jatqanyn aitqan oblys ákimi agrarlyq baǵyttaǵy Jetisý oblysy úshin aýyl sharýashylyǵy ónimderin tereń óńdeý boiynsha yntymaqtastyqty damytýdyń mańyzdylyǵyn atap ótti.
Óz kezeginde «Qingdao Wanlin Food Co., Ltd» investor kompaniianyń quryltaishysy ári bas direktory Li Iantao óz kompaniiasynyń eki baǵytta, iaǵni piiaz, sarymsaq, sábiz, kartop siiaqty aýyl sharýashylyǵy ónimderin óńdeý jáne qaitalai óńdeýmen ainalysatynyn jetkizdi. Bul rette piiaz ósirý úshin qolaily tabiǵi-klimattyq jaǵdailardy eskere otyryp, investor óńir aýmaǵynda osy daqyldy óńdeý zaýytyn salý týraly usynysyn bildirdi.
Perspektivaly jobany iske asyrý joldaryn talqylai kele, taraptar kásiporyndy oblys aýmaǵynda ornalastyrý múmkindigin qarastyrý jaiyn kelisti. Zaýytqa kerekti shikizatqa kelsek, oblys ákimi buǵan qatysty birinshi kezekte jergilikti sharýashylyqtarmen yntymaqtastyq ornatýdyń mańyzdylyǵyn atap ótti.
"Biz óz tarapymyzdan zaýytty ornalastyrý máselesin pysyqtaimyz. Al sizder jaǵynan bolashaq kásiporynnyń egjei-tegjeili jobasyn kútemiz. Árine, biz úshin investitsiia, biýdjetke túsetin salyq túsimderi mańyzdy, biraq eń bastysy – jergilikti turǵyndardy jumysqa ornalastyrý, olarǵa laiyqty jalaqy tóleý. Jetisý oblysy men QHR-nyń geografiialyq jaǵynan qolaily ornalasýy birlesken jobalardy iske asyrýǵa keń múmkindik beredi. Biz investorlarǵa zańdyq negizde qajetti qoldaý kórsetemiz", - dep sózin túiindedi óńir basshysy B. Isabaev.
Atap ótsek, Jetisý oblysynda Qytaidan kelgen seriktesterdiń qatysýymen ónim óńdeý, balamaly energetika jáne logistika salasynda jalpy somasy 80 mlrd. teńgeden astam somaǵa 4 investitsiialyq joba iske asyrylǵan.
