Jetisý oblysynda «Taldyqorǵan – Úshtóbe» avtomobil jolynyń ortasha jóndeý jumystary bastaldy. Sol siiaqty sońǵy úsh jylda Qaratal aýdanynda oblystyq mańyzy bar 120 shaqyrym jol, eldi mekenderdiń 54 kóshesi jóndelip, 30 aýylda jaryq shamdary ornatyldy. Bul týraly búgin oblys ákimi Beibit Isabaev aýdan turǵyndarymen kezdesýi barysynda aitty, dep habarlaidy Dalanews.kz.
Kezdesý kezinde Beibit Isabaev aldymen oblysta atqarylyp jatqan jumystarǵa keńinen toqtaldy. Máselen, aýyl sharýashylyǵynyń jalpy ónimi 2,2%-ǵa, qurylys – 9,7%-ǵa, saýda – 3,5%-ǵa, bailanys – 5,8%-ǵa, turǵyn úidi paidalanýǵa berý – 11%-ǵa, kólik jáne qoimalaý qyzmetteri 1,4 esege ulǵaiǵan. Oblys ekonomikasyna 12,8% ósimmen 610,9 mlrd. teńge investitsiia tartyldy.
- Oblystaǵy respýblikalyq mańyzy bar joldar 100% jóndeldi. «Taldyqorǵan – Úsharal», «Úsharal – Dostyq» joldary paidalanýǵa berildi, «Saryózek – Kóktal – Qorǵas» joly jańǵyrtyldy. 2025 jyldan bastap «Almaty – Taldyqorǵan» jolyna kúrdeli jóndeý júrgizilýde, 2027 jyly aiaqtalady. Sonymen qatar «Taldyqorǵan – Úshtóbe» avtomobil jolyn ortasha jóndeý jumystary bastaldy. Sonyń nátijesinde oblystyq mańyzy bar joldardyń jaqsy jaǵdaidaǵy úlesi 96%-ǵa jetedi, - dedi B. Isabaev.
Óńir basshysynyń aitýynsha, oblys qurylǵannan beri gazdandyrý deńgeii 27%-dan 67%-ǵa jetkizildi. Búgingi tańda Kerbulaq aýdanynan Taldyqorǵan qalasyna deiingi 110 eldi meken gazdandyryldy. Qalǵan 16 eldi mekendi gazdandyrý jumystary biyl aiaqtalady. Sonymen qatar ótken jyly «Taldyqorǵan-Úsharal» magistraldy gaz qubyrynyń qurylysy bitip, Aqsý, Sarqan jáne Alakól aýdandarynyń 84 eldi mekenin tabiǵi gazben qamtamasyz etý úshin jeke investitsiialar esebinen jobalaý-smetalyq qujattamalary ázirlendi. Gaz tartý jumystary biyl bastalady. Osy jobalardy iske asyrý nátijesinde 2028 jyly oblysta 210 eldi mekenge gaz tartylyp, gazǵa 652 myńnan astam turǵyn nemese jalpy halyqtyń 93,8%-y qol jetkize alady.
Óz sózinde turǵyn úi qurylysy, týrizm, abattandyrý, áleýmettik sala jáne basqa da mańyzdy baǵyttarǵa toqtalǵan Beibit Isabaev munan soń aýdannyń damýy týraly baiandama jasaý úshin sózdi aýdan ákimi Ulan Dosymbekovke berdi.
Aýdan ákiminiń sózine súiensek, ónerkásipte 4,9 mlrd. teńgeniń ónimi óndirilgen. Negizgi kapitalǵa 21,8 mlrd. teńge investitsiia tartyldy. Shaǵyn jáne orta kásipkerlikti damytý aiasynda aýdanda 3 myńǵa jýyq biznes sýbektilerinen biýdjetke 1,3 mlrd. teńge salyq túsken.
- Ótken jyly qurylys jumystarynyń kólemi 13,3 mlrd. teńgeni qurady. Turǵyn úi qurylysy 126% artyq oryndaldy, iaǵni 19 myń sharshy metr úi paidalanýǵa berildi. Aýdandaǵy 35 eldi mekenniń 34-i ortalyqtandyrylǵan aýyz sýmen, 16-sy tabiǵi gazben qamtylǵan. Aýyldardy gazdandyrý jalǵasady. Sondai-aq Úshtóbe qalasy turǵyndaryn sapaly jylýmen qamtamasyz etý maqsatynda byltyr magistraldy jylý trassasyna qaita jańǵyrtý jumystary júrgizilip, sapasy jaqsardy, - dep atap ótti U.Dosymbekov.
Sol siiaqty áleýmettik infraqurylymdy jaqsartý baǵytynda da birqatar jumystar atqarylǵan. Atap aitqanda, ótken jyly Tastóbe aýylyndaǵy Jambyl atyndaǵy orta mektep pen Bastóbe servistik-tehnikalyq kolledji kúrdeli jóndeýden ótti. Sonymen qatar 5 mektepke aǵymdaǵy jóndeý jasaldy. «Aýyldyq densaýlyq saqtaýdy jańǵyrtý» ulttyq jobasy aiasynda 6 aýylda meditsinalyq nysandardyń qurylysy júrgizilip qoldanysqa berildi, ortalyq aýdandyq aýrýhananyń «V» blogyna, Jańatalap aýylyndaǵy dárigerlik ambýlatoriia kúrdeli jóndeýden ótti. Sonymen qatar byltyr Jastalap aýylynda jáne Úshtóbe qalasynda jedel járdem qosalqy stantsiiasyna arnalǵan ǵimarattar qoldanysqa berildi. Al biyl Kálpe aýylyndaǵy dárigerlik ambýlatoriiaǵa kúrdeli jóndeý júrgizilýde.
Oǵan qosa mádeniet jáne sport salalarynda da nysandar jańǵyrtylýda.
Jiyndy qorytyndylaǵan oblys ákimi Beibit Isabaev:
- Qaratal aýdany ótken jyldyń qorytyndysy boiynsha negizgi áleýmettik-ekonomikalyq kórsetkishterdi oryndap, oń nátijelerge qol jetkizdi. Bul – barshańyzdyń birlesken eńbekterińizdiń jemisi. Desek te alda atqarylatyn mindetter áli de kóp. Aýdanǵa investorlar tartyp, et-sút óndirisi men balyq ósirýdi jáne olardy tereń óńdeýdi qolǵa alý kerek. «Aýyl amanaty» baǵdarlamasynyń kómegimen shaǵyn jáne orta bizneste ónerkásip sanyn arttyrýdy aýdan ákimine jeke baqylaýda ustaýdy tapsyramyn. Aýdanda irrigatsiia júielerin qalpyna keltirý jumystary júrgizilip jatyr, endi sý únemdeý tehnologiialaryn qoldanýdy jáne egistik aýmaǵyn ulǵaitý qajet, - degen Beibit Isabaev sol siiaqty paidalanylmai jatqan jerlerdi memleket menshigine qaitarý, qurylysy júrip jatqan nysandardyń ýaqytyly jáne sapaly iske asyrylýyn qamtamasyz etýdi tapsyrdy. Sol siiaqty oblys ákimi Prezident júktegen mindetter aiasyndaǵy mundai sharalardyń barlyǵy halyqtyń turmys sapasyn arttyrýǵa oń yqpal etetinin jetkizdi.
Munan soń turǵyndar saýaldaryn qoidy. Máselen, jetim balalardy qamqorlyǵyna alǵan patronat ana, «Baitaq» partiiasynyń Qaratal aýdandyq filialynyń tóraǵasy Gúlnar Qabylbekova balalar mýzyka mektebin salý týraly usynysyn aitty. Bul rette oblys basshysy aýdanda mádeniet úiiniń qurylysy josparlanyp otyrǵanyn jetkizip, mádeniet nysany men mýzyka mektebiniń qaisysy birinshi kezekte qajet ekenin aiqyndaýdy jáne máseleni qarastyrýdy aýdan basshysyna tapsyrdy.
Osy kúni azamattar úshin jeke qabyldaý ótkizgen Beibit Isabaev olardyń turǵyn úige jáne jol qurylysyna qatysty suraqtaryna jaýap berip, máseleniń zań aiasyndaǵy sheshimderin túsindirdi.
