Búgin Jetisý oblysynyń ákimi Beibit Isabaev «Qazaqstan halqyna» qoǵamdyq qorynyń Basqarma tóraǵasy Lázzat Shyńǵysbaevamen kezdesti,- dep habarlaidy Dalanews.kz
Kezdesý barysynda taraptar birlesip iske asyryp jatqan áleýmettik jobalarǵa nazar aýdaryp, biylǵy jyldyń josparyn talqylady.
Kezdesý kezinde aitylǵandai, úsh jylda Qor men oblys ákimdigi seriktes retinde birlesip densaýlyq saqtaý, áleýmettik sala, bilim berý, sport salalarynda kóptegen jobalardy iske asyrǵan, sol jobalardyń 80 % aýyldarǵa baǵyttalǵan bolatyn. Máselen, Jansúgirov, Qarabulaq, Qoǵaly, Balpyq bi aýyldary men Sarqan, Jarkent, Úsharal qalalaryndaǵy 7 mekteptiń materialdyq-tehnikalyq bazasyn nyǵaitýǵa, sol siiaqty erekshe bilim berý qajettiligi bar balalarǵa arnalǵan 4 arnaiy mekteptiń jabdyqtalýyna, 3400-den astam aýyl balalarynyń jazda balalar lagerinde demalýyna qoldaý kórsetilgen. Sol siiaqty áleýmettik osal toptar sanatyndaǵy otbasy balalarynyń joǵary oqý oryndarynda oqýy úshin bilim granttaryn berý, aýyr syrqaty bar azamattarǵa qajetti dári-dármek alý, sport infraqurylymyn damytý isine járdem jasaldy.
Al biyl bilim salasyna, sonyń ishinde qurylys baǵytyna kóp kóńil bólý josparlanyp otyr.
