Qazaqstan Prezidenti óziniń kirispe sózinde birqatar problemalyq máselelerdi kóterdi, onyń ishinde mitingiler taqyryby da bar.
– Biz Konstitýtsiiamyzǵa sáikes mitingiler týraly habarlaý qaǵidasyn engizýdi bastaýymyz kerek. Eger olar zań buzbasa, qoǵamdyq tártipti buzbasa jáne azamattardyń tynyshtyǵyna kedergi jasamasa, mitingilerge ruqsat etiledi, – dedi memleket basshysy.
Odan bólek, Toqaev qoǵamdyq sanaǵa mitingiler mádenietin sińiretin ýaqyt keldi dep atap ótti. Memleket basshysynyń aitýynsha, mitingiler – bul tek quqyq qana emes, jaýapkershilik.
– Beibit jinalystar týraly zań jobasy jasaldy. Bul qoldanystaǵy zańǵa engizilgen ózgerister týraly ǵana emes, beibit jinalystardyń barlyq túrlerin uiymdastyrý men ótkizýdi retteitin tujyrymdamalyq jańa zań, – dedi Toqaev.
Eske sala ketsek, Nur-Sultanda Qazaqstan prezidenti Qasym-Jomart Toqaevtyń qatysýymen Qoǵamdyq senim Ulttyq keńesiniń otyrysy bastalǵany habarlandy.
