قازاقستان پرەزيدەنتى ءوزىنىڭ كىرىسپە سوزىندە ءبىرقاتار پروبلەمالىق ماسەلەلەردى كوتەردى، ونىڭ ىشىندە ميتينگىلەر تاقىرىبى دا بار.
– ءبىز كونستيتۋسيامىزعا سايكەس ميتينگىلەر تۋرالى حابارلاۋ قاعيداسىن ەنگىزۋدى باستاۋىمىز كەرەك. ەگەر ولار زاڭ بۇزباسا، قوعامدىق ءتارتىپتى بۇزباسا جانە ازاماتتاردىڭ تىنىشتىعىنا كەدەرگى جاساماسا، ميتينگىلەرگە رۇقسات ەتىلەدى، – دەدى مەملەكەت باسشىسى.
ودان بولەك، توقايەۆ قوعامدىق ساناعا ميتينگىلەر مادەنيەتىن سىڭىرەتىن ۋاقىت كەلدى دەپ اتاپ ءوتتى. مەملەكەت باسشىسىنىڭ ايتۋىنشا، ميتينگىلەر – بۇل تەك قۇقىق قانا ەمەس، جاۋاپكەرشىلىك.
– بەيبىت جينالىستار تۋرالى زاڭ جوباسى جاسالدى. بۇل قولدانىستاعى زاڭعا ەنگىزىلگەن وزگەرىستەر تۋرالى عانا ەمەس، بەيبىت جينالىستاردىڭ بارلىق تۇرلەرىن ۇيىمداستىرۋ مەن وتكىزۋدى رەتتەيتىن تۇجىرىمدامالىق جاڭا زاڭ، – دەدى توقايەۆ.
ەسكە سالا كەتسەك، نۇر-سۇلتاندا قازاقستان پرەزيدەنتى قاسىم-جومارت توقايەۆتىڭ قاتىسۋىمەن قوعامدىق سەنىم ۇلتتىق كەڭەسىنىڭ وتىرىسى باستالعانى حابارلاندى.
