Besqaraǵai aýdanyndaǵy «Semei ormany» tabiǵi rezervatynyń Morozov filialy aýmaǵyndaǵy orman órti búgin, saǵat 8.00-de oqshaýlandy. Qazirgi tańda oqshaýlanǵan órtti tolyq sóndirý jumystary júrgizilýde, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Abai, Shyǵys Qazaqstan jáne Pavlodar oblystarynyń Tótenshe jaǵdailar departamentteri, oblystyq Politsiia departamenti, «Semei ormany» men «Ertis ormany» mekemeleriniń qyzmetkerleri jáne jergilikti atqarýshy organdar jaǵdaidy áli de baqylaýda ustap otyr.
Qaraǵandy oblysy men Astana qalasynan qosymsha kúshter men tehnika kómekke keldi.
Aldyn ala boljam boiynsha órt 1200 gektar aýmaqty sharpyǵan. Onyń 800 gektary dala, 400 gektary – orman alqaby.
Abai oblysynyń ákimi Berik Ýáli Tótenshe jaǵdailar ministrliginiń ókilderimen birge búgin tańerteń órtten zardap shekken Morozov filialynyń Sosnov ormanshylyǵyna tikushaqpen áýeden baqylaý júrgizdi.
– Tikushaqpen órtengen aýmaqtardy muqiiat qarap shyqtyq. Órttiń tolyq toqtatylǵanyna kóz jetkizip, eldi mekenderge, turǵyndarǵa qaýipsiz bolýyn baqylaýda ustaimyz, – dedi aimaq basshysy.
Órtti sóndirý jumystaryna 419 adam, 140-qa jýyq tehnika jumyldyryldy.
Eske salaiyq, keshe tústen keiin Besqaraǵai aýdanynyń Besqaraǵai aýylynyń shetinde qurǵaq shóp janyp, qatty jeldiń ekpinimen qyzyl jalyn «Semei ormany» Morozov filialy aýmaǵyna taralǵan bolatyn.
