Búgin Abai oblysy ákimi Berik Ýálidiń tóraǵalyǵymen keńeitilgen apparattyq keńes ótti. Jiynda oblystaǵy zańsyz qurylys nysandary boiynsha júrgizilip jatqan jumystar, 2025 jyldyń qańtar-mamyr ailaryndaǵy óńirdiń áleýmettik-ekonomikalyq damýy qorytyndylary, 5 aidaǵy biýdjettiń igerilý máselesi qaraldy,- dep habarlaidy Dalanews.kz
Oblystaǵy zańsyz qurylys nysandary boiynsha júrgizilip jatqan jumystar týraly Memlekettik sáýlet-qurylys baqylaý basqarmasynyń basshysy Sailaýǵaly Bainazarov, Sáýlet, qala qurylysy jáne jer qatynastary basqarmasynyń basshysy Ánýar Beisenov, Semei qalasy ákiminiń mindetin atqarýshy Bekjan Bapyshev baiandady.
Memlekettik sáýlet-qurylys baqylaý basqarmasynyń málimetinshe, kameraldyq baqylaý barysynda oblysta 34 zańsyz kóp qabatty turǵyn úi tirkelip, onyń 12-si boiynsha sot sheshimi shyqqan. 15-ine tiisti nusqama berilgen. Bul úilerden 547 otbasy baspana satyp alǵan. Oblys ákiminiń tapsyrmasymen qurylǵan vedomstvoaralyq komissiianyń nátijesinde 310 otbasy zańdy mártebege ie bolyp, baspanalaryn rásimdeýge múmkindik aldy.
Jiynda Aiagóz, Úrjar, Besqaraǵai jáne Maqanshy aýdandaryndaǵy sapasyz salynǵan turǵyn úiler máselesi týraly da aityldy. Aimaq basshysy atalǵan aýdandardyń ákimderine anyqtalǵan kemshilikterdi joiýdy, Memlekettik sáýlet-qurylys baqylaý basqarmasyna zańsyz salynǵan turǵyn úilerge ǵana emes, barlyq qurylys nysandaryna taldaý jasaýdy, Semei qalasy ákiminiń mindetin atqarýshy Bekjan Bapyshevqa zańsyz salynǵan turǵyn úilerdiń turǵyndarymen túsindirý jumystaryn júrgizýdi, orynbasary Serik Tólenbergenovqa jeke baqylaýǵa alýdy tapsyrdy.
«Oblys aýmaǵynda birde-bir zańsyz nysanǵa jol bermeý qajet. Basqarma basshylary men ákimder biýdjet esebinen júzege asyrylyp jatqan qurylys nysandarynyń sapasyn jáne jumystardyń ýaqytyly atqarylýyn qamtamasyz etý qajet. Jeke baqylaýǵa alyńyzdar. Bizdiń oblysta qurylys jumystaryn júrgizý merzimi shekteýli. Merdigerlerge jaǵdai jasaýdyń ornyna, olardan qajet bolsa 2 - 3 aýysymda jumys júrgizilýin talap etińizder. Biyl oblysta bastalatyn qurylys nysandary kóp. Sondyqtan bul baǵyttaǵy jumys qarqynyn shiratý kerek», - dedi oblys ákimi.
