Abai oblysynyń ákimi Berik Ýáli Kókpekti aýdanyna jumys sapary barysynda «Kókpekti-Samar-Vasilev ótkeli» baǵytyndaǵy Tálmen ózeninen ótetin kópirdiń jaǵdaiymen tanysty,-dep habarlaidy Dalanews.kz
Kópir oblystyq mańyzdaǵy jolda, eldi mekennen 29 shaqyrym qashyqtyqta ornalasqan. Uzyndyǵy – 68 metr, júrý bóliginiń eni – 8,5 metr, bir jaqty jaiaý júrginshiler jolaǵy da qarastyrylǵan.
Byltyrǵy kóktemdegi sý tasqyny kezinde kópirdiń tómengi bóligin sý shaiyp, jaryq paida bolǵan.
Biylǵy naýryz aiynda 392 tonna tas jetkizilip, kópirdiń tireýishteri kúsheitildi. Qaýipsizdikti saqtaý maqsatynda salmaǵy 8 tonnadan asatyn aýyr júk kólikterine ýaqytsha shekteý qoiylǵan.
Aýdan ákimi aimaq basshysyna kólik ótkeline turǵyndar tarapynan shaǵym kóp túsetinin jetkizip, jóndeý júrgizýge kómek kórsetýdi surady.
Oblys ákimi kópir máselesine qatysty tiisti sheshim qabyldanatynyn aitty.
«Bul kópir Kókpekti aýdanyn Shyǵys Qazaqstanmen bailanystyrady. Aýdannyń úsh aýylynyń turǵyndary osy ótkel arqyly qatynaidy. Nysandy jóndeý máselesin qarastyramyz», - dedi aimaq basshysy.
