Abai oblysynyń ákimi Berik Ýálidiń tóraǵalyǵymen keńeitilgen apparattyq jinalys ótti. Otyrysta paidalanylmai jatqan jerlerdi qaitarý jáne biýdjet qarajatyn tiimdi igerý máseleleri de qaraldy,- dep habarlaidy Dalanews.kz
Óńirde 2022 jyly paidalanylmaityn jerlerdi qaitarý boiynsha vedomstvoaralyq kishi top qurylǵan. Komissiia jumysynyń nátijesinde 512,8 myń gektar jer memlekettik menshikke qaitarylǵan.
Oblystyq qala qurylysy jáne jer qatynastary basqarmasynyń málimetinshe, biylǵy jyldyń sońyna deiin 170 myń gektar paidanylmaityn aýyl sharýashylyǵy jerlerin qaitarý josparlanǵan. Qazirgi tańda 51,5 myń gektary qaitarylǵan. Bul jumys Borodýliha, Jarma, Maqanshy aýdandarynda baiaý júrgizilýde.
Oblys ákimi aýdan ákimderine paidalanylmaityn jerlerdi qaitarý boiynsha jumys qarqynyn kúsheitýdi tapsyrdy.
«Aýdan ákimderi aýyl halqyn jaiylymdyq jermen qamtamasyz etý jumysyn qatań baqylaýda ustańyzdar. Memleket menshigine qaitarylǵan jerlerdi qaitadan ekonomikalyq ainalymǵa engizý tártibi zań talaby aiasynda júzege asyrylýy qajet. Bul – Memleket basshysynyń nazaryndaǵy másele»,- dedi oblys ákimi.
Jiynda kún tártibindegi úshinshi másele biýdjet qarajatyn igerý boiynsha Qarjy basqarmasynyń basshysy Gúlfairýs Serikbolova baiandady. Aimaq basshysy oblystyq biýdjettik baǵdarlamalar ákimshileri, qalalar jáne aýdandardyń ákimderine biýdjet qarajatyn tolyq ári ýaqtyly igerý jóninde tiisti sharalar qabyldaýdy júktedi.
