- Aýrýhanadan búgin shyqtym. Dáriger qorytyndysynda meniń jaǵdaiym jaqsaryp kele jatqany aitylady. Maǵan koronavirýs infektsiiasy diagnozy qoiyldy. Densaýlyǵym aýyr dep baǵalandy. Eki jaqty pnevmoniiany tirkedi, bes kún boiy jansaqtaý bóliminde jattym, - dedi Berik Ýáli.
Onyń aitýynsha, endi ol úide qatań karantin rejiminde bolady. Memleket basshysynyń baspasóz hatshysy áli de dárigerlerdiń baqylaýynda bolady, otbasy múshelerimen tikelei bailanysqa tyiym salynǵan.
Jalpy, osydan keiin dáriger meni ári qarai hattama men kelisilgen tártipke sai qarap, tekseretin bolady, - dedi Berik Ýáli.
Aýrýhanadan bosap shyqqan Berik Ýáli aldyndaǵydai qashyqtan jumysyn jalǵastyra bermek.
- Men aýrýhanada jumys istedim, sol sekildi qashyqtyqtan jumysymdy jalǵastyra beremin, - dedi ol.
Sóz sońynda Berik Ýáli dárigerlerge, meiirbikeler, sondai-aq barlyq meditsinalyq qyzmetkerlerge óz alǵysyn bildirdi.
- Keshe bizde meditsina qyzmetkerleri kúni boldy. Olardyń bárin de qaharman jandar degim keledi. Olardyń keibireýleri birneshe aidan beri otbasylaryn kórmegen. Olar shynymen de myqty adamdar, - dep sózin qorytyndylady Berik myrza.
