- اۋرۋحانادان بٷگٸن شىقتىم. دەرٸگەر قورىتىندىسىندا مەنٸڭ جاعدايىم جاقسارىپ كەلە جاتقانى ايتىلادى. ماعان كوروناۆيرۋس ينفەكتسيياسى دياگنوزى قويىلدى. دەنساۋلىعىم اۋىر دەپ باعالاندى. ەكٸ جاقتى پنەۆمونييانى تٸركەدٸ, بەس كٷن بويى جانساقتاۋ بٶلٸمٸندە جاتتىم, - دەدٸ بەرٸك ۋەلي.
ونىڭ ايتۋىنشا, ەندٸ ول ٷيدە قاتاڭ كارانتين رەجيمٸندە بولادى. مەملەكەت باسشىسىنىڭ باسپاسٶز حاتشىسى ەلٸ دە دەرٸگەرلەردٸڭ باقىلاۋىندا بولادى, وتباسى مٷشەلەرٸمەن تٸكەلەي بايلانىسقا تىيىم سالىنعان.
جالپى, وسىدان كەيٸن دەرٸگەر مەنٸ ەرٸ قاراي حاتتاما مەن كەلٸسٸلگەن تەرتٸپكە ساي قاراپ, تەكسەرەتٸن بولادى, - دەدٸ بەرٸك ۋەلي.
اۋرۋحانادان بوساپ شىققان بەرٸك ۋەلي الدىنداعىداي قاشىقتان جۇمىسىن جالعاستىرا بەرمەك.
- مەن اۋرۋحانادا جۇمىس ٸستەدٸم, سول سەكٸلدٸ قاشىقتىقتان جۇمىسىمدى جالعاستىرا بەرەمٸن, - دەدٸ ول.
سٶز سوڭىندا بەرٸك ۋەلي دەرٸگەرلەرگە, مەيٸربيكەلەر, سونداي-اق بارلىق مەديتسينالىق قىزمەتكەرلەرگە ٶز العىسىن بٸلدٸردٸ.
- كەشە بٸزدە مەديتسينا قىزمەتكەرلەرٸ كٷنٸ بولدى. ولاردىڭ بەرٸن دە قاھارمان جاندار دەگٸم كەلەدٸ. ولاردىڭ كەيبٸرەۋلەرٸ بٸرنەشە ايدان بەرٸ وتباسىلارىن كٶرمەگەن. ولار شىنىمەن دە مىقتى ادامدار, - دەپ سٶزٸن قورىتىندىلادى بەرٸك مىرزا.
