Búgin oblys ákimi Berik Ýáli óńirdiń ziialy qaýym ókilderimen kezdesti. Atap aitqanda, buǵan deiin Abaidyń birneshe mereitoilaryn uiymdastyrýǵa atsalysqan sol kezdegi tájiribeli mamandar, qazirgi aimaq aqsaqaldarymen arnaiy keńes ótkizdi,- dep habarlaidy Dalanews.kz
Júzdesýdiń basty maqsaty – eldik mańyzy bar toidy halyqtyń ózimen keńese otyryp ótkizý, aldyńǵy býynnyń aqyl-keńesine júginý.
Kezdesýdi ashqan aimaq basshysy aldymen bul mereitoidyń tek bir óńirdiń emes, tutas eldiń rýhani mereili mejesi ekenin aitty.
«Abai – bizdiń ulttyq ideiamyzdyń, birligimiz ben bolmysymyzdyń simvoly. Memleket basshysy Qasym-Jomart Kemeluly Toqaev «Abaidyń 180 jyldyǵyn laiyqty atap ótýimiz kerek» degen bolatyn. Oblysymyz qurylǵannan beri alǵash ret uly Abaidyń mereitoiyn keń kólemde atap ótýge múmkindik týyp otyr. Bul – tarihi jaýapkershilik. Osy jaýapty kezeńde Sizdermen arnaiy aqyldasqymyz kelip otyr. Sebebi, osyǵan deiin ótken Abaidyń mereitoilaryn ózderińizdei aǵa býyn abyroimen uiymdastyrdy. Ol tájiribelerińiz bizge asa qajet», - dedi oblys ákimi.
Jiynda Abai oblysynyń mádeniet, tilderdi damytý jáne arhiv isi basqarmasynyń basshysy Janjigit Omarhan, Abai aýdanynyń ákimi Meiirjan Smaǵulov, Semei qalasy ákiminiń orynbasary Qýanysh Ábildaev mereitoiǵa arnalǵan onkúndiktiń baǵdarlamasymen tanystyrdy. 1 tamyz ben 10 tamyz aralyǵynda Abaidyń 180 jyldyǵyna orai 30-dan astam aýqymdy is-shara uiymdastyrý josparlanǵan. Merekelik is-sharalar Semei qalasy, Abai aýdany jáne óńirdiń ózge de aýdandarynda ótedi. Mereitoi baǵdarlamasymen tanysqan ziialy qaýym ókilderi Abaidyń 180 jyldyǵyna arnalǵan is-sharalar josparynyń mazmundy ekenin atap ótti.
«Baǵdarlamany tolyǵymen qoldaimyz. Barlyǵy pysyqtalǵan, muqiiat talqylanǵan. Osy baǵdarlamanyń 100 paiyz, tolyq oryndalǵanyn qalaimyz», - dedi abaitanýshy ǵalym Arap Espenbetov.
«Abaidyń 180 jyldyq mereitoiynyń halqymyz úshin, Abai oblysynyń turǵyndary úshin máni zor. Búgin tanystyrylǵan baǵdarlama, is-sharalar josparynyń taǵylymdy tustarynyń mol ekenin baiqadyq. Mereitoidyń joǵary deńgeide ótýine tilektespiz», – dedi oblystyq ardagerler keńesiniń tóraǵasy Murat Álin.
Jiynda ziialy qaýym ókilderi Abaidyń 180 jyldyǵyna bailanysty usynys-pikirlerin ortaǵa saldy. Kezdesýdi qorytyndylaǵan oblys ákimi jiynda aitylǵan usynys-pikirlerdiń barlyǵy eskertiletinin aitty. Mereitoiǵa arnalǵan onkúndiktiń baǵdarlamasy aldaǵy aptada baspasóz máslihaty arqyly tolyq jariialanatyn bolady.
