Abai oblysynyń ákimi Berik Ýáli semeilik 7 jastaǵy balany tapqan politsiia qyzmetkerlerin marapattady,- dep habarlaidy Dalanews.kz
Aimaq basshysy Abai oblysy Politsiia departamenti Zaton politsiia bóliminiń ýchaskelik inspektorlary Beken Asyl men Darhan Jumaǵalievke kórsetken batyldyǵy men kásibi sheberligi úshin Alǵys hat tabystap, olardyń áreketi barshaǵa úlgi ekenin atap ótti.
«Búgin – qos mereke. Tek memlekettik qyzmetshiler kúni ǵana emes, Qazaqstan Respýblikasynyń politsiia kúni. Sizderdi eń áýeli kásibi merekelerińizben quttyqtaimyn. Úiinen shyǵyp ketip, joǵalyp ketken 7 jastaǵy balany ata-anasymen aman-esen qaýyshtyryp, úlken erlik jasadyńyzdar. Qiyn sátte batyldyq tanytyp, óz mindetterińizge adal ekendikterińizdi taǵy bir márte dáleldedińizder. Balany izdeýge atsalysqan politsiia, tótenshe jaǵdailar qyzmeti, eriktiler men barlyq turǵyndarǵa ákimdiktiń atynan, halyqtyń atynan rizashylyǵymdy bildiremin. Sizderdiń janashyrlyqtaryńyz – adam ómirine degen shynaiy qamqorlyqtyń jarqyn úlgisi», – dedi aimaq basshysy.
Esterińizge sala keteiik, 2025 jylǵy 21 maýsymda 2018 jyly týǵan Amanǵali Bekbolat Semei qalasyndaǵy úiinen shyǵyp ketip, qaita oralmaǵan. Habar túsken sátten bastap izdestirý jumystaryna 1000-nan astam adam jumyldyryldy. Balany izdeýge politsiia, Tótenshe jaǵdailar qyzmeti, Ulttyq ulan, eriktiler men turǵyndar belsendi atsalysty.
22 maýsym kúni tańerteń bala úiinen shamamen 10 shaqyrym jerdegi orman alqabynan aman-esen tabyldy.
