اباي وبلىسىنىڭ ەكٸمٸ بەرٸك ۋەلي سەمەيلٸك 7 جاستاعى بالانى تاپقان پوليتسييا قىزمەتكەرلەرٸن ماراپاتتادى,- دەپ حابارلايدى Dalanews.kz
ايماق باسشىسى اباي وبلىسى پوليتسييا دەپارتامەنتٸ زاتون پوليتسييا بٶلٸمٸنٸڭ ۋچاسكەلٸك ينسپەكتورلارى بەكەن اسىل مەن دارحان جۇماعاليەۆكە كٶرسەتكەن باتىلدىعى مەن كەسٸبي شەبەرلٸگٸ ٷشٸن العىس حات تابىستاپ, ولاردىڭ ەرەكەتٸ بارشاعا ٷلگٸ ەكەنٸن اتاپ ٶتتٸ.
«بٷگٸن – قوس مەرەكە. تەك مەملەكەتتٸك قىزمەتشٸلەر كٷنٸ عانا ەمەس, قازاقستان رەسپۋبليكاسىنىڭ پوليتسييا كٷنٸ. سٸزدەردٸ ەڭ ەۋەلٸ كەسٸبي مەرەكەلەرٸڭٸزبەن قۇتتىقتايمىن. ٷيٸنەن شىعىپ كەتٸپ, جوعالىپ كەتكەن 7 جاستاعى بالانى اتا-اناسىمەن امان-ەسەن قاۋىشتىرىپ, ٷلكەن ەرلٸك جاسادىڭىزدار. قيىن سەتتە باتىلدىق تانىتىپ, ٶز مٸندەتتەرٸڭٸزگە ادال ەكەندٸكتەرٸڭٸزدٸ تاعى بٸر مەرتە دەلەلدەدٸڭٸزدەر. بالانى ٸزدەۋگە اتسالىسقان پوليتسييا, تٶتەنشە جاعدايلار قىزمەتٸ, ەرٸكتٸلەر مەن بارلىق تۇرعىندارعا ەكٸمدٸكتٸڭ اتىنان, حالىقتىڭ اتىنان ريزاشىلىعىمدى بٸلدٸرەمٸن. سٸزدەردٸڭ جاناشىرلىقتارىڭىز – ادام ٶمٸرٸنە دەگەن شىنايى قامقورلىقتىڭ جارقىن ٷلگٸسٸ», – دەدٸ ايماق باسشىسى.
ەستەرٸڭٸزگە سالا كەتەيٸك, 2025 جىلعى 21 ماۋسىمدا 2018 جىلى تۋعان امانعالي بەكبولات سەمەي قالاسىنداعى ٷيٸنەن شىعىپ كەتٸپ, قايتا ورالماعان. حابار تٷسكەن سەتتەن باستاپ ٸزدەستٸرۋ جۇمىستارىنا 1000-نان استام ادام جۇمىلدىرىلدى. بالانى ٸزدەۋگە پوليتسييا, تٶتەنشە جاعدايلار قىزمەتٸ, ۇلتتىق ۇلان, ەرٸكتٸلەر مەن تۇرعىندار بەلسەندٸ اتسالىستى.
22 ماۋسىم كٷنٸ تاڭەرتەڭ بالا ٷيٸنەن شامامەن 10 شاقىرىم جەردەگٸ ورمان القابىنان امان-ەسەن تابىلدى.
