Abai oblysynyń ákimi Berik Ýáli Borodýliha aýdanyna jumys sapary aiasynda «Semei ormany» memlekettik orman tabiǵi rezervatyna qarasty Kamyshenka ormanshylyǵynyń jumysymen tanysty. Ormanshylarmen pikirlesip, mekemedegi tehnikalardy kórdi, dep habarlaidy Dalanews.kz
Kamyshenka ormanshylyǵy jeriniń jalpy aýdany 20 111 gektardy quraidy. Onyń 18 579 gektary - orman alqaby.
Ormanshylyq ieliginde bir keńse, tiptik orman órt sóndirý stantsiiasy, órt-baqylaý munarasy, arnaiy avtotraktorlyq tehnika men birneshe órt sóndirý kólikteri bar. Qazirgi ýaqytta munda 15 qyzmetker jumys isteidi. Sondai-aq, 18 adamnan turatyn jeke quram bar.
Oblys ákimi ormanshylardyń tabiǵatty qorǵaý boiynsha atqaryp jatqan eńbekteriniń erekshe ekenin atap ótti. Materialdyq-tehnikalyq bazany nyǵaitýǵa qatysty jumystardyń jalǵasatynyn aitty.
«Ormandy qorǵaý, tabiǵatty aialaý árbir azamattyń paryzy dep sanaimyn. Ormanshylardyń atqaryp júrgen jumysy óte mańyzdy. Olar tabiǵatty qorǵap, órttiń aldyn alyp, úlken jaýapkershilikpen eńbek etip jatyr. Jergilikti ákimdik tarapynan tiisti qoldaý kórsetemiz. Tabiǵatty saqtaý, qorǵaý bárimizdiń ortaq mindetimiz», – dedi aimaq basshysy.
