اباي وبلىسىنىڭ ەكٸمٸ بەرٸك ۋەلي بورودۋليحا اۋدانىنا جۇمىس ساپارى اياسىندا «سەمەي ورمانى» مەملەكەتتٸك ورمان تابيعي رەزەرۆاتىنا قاراستى كامىشەنكا ورمانشىلىعىنىڭ جۇمىسىمەن تانىستى. ورمانشىلارمەن پٸكٸرلەسٸپ, مەكەمەدەگٸ تەحنيكالاردى كٶردٸ, دەپ حابارلايدى Dalanews.kz
كامىشەنكا ورمانشىلىعى جەرٸنٸڭ جالپى اۋدانى 20 111 گەكتاردى قۇرايدى. ونىڭ 18 579 گەكتارى - ورمان القابى.
ورمانشىلىق يەلٸگٸندە بٸر كەڭسە, تيپتٸك ورمان ٶرت سٶندٸرۋ ستانتسيياسى, ٶرت-باقىلاۋ مۇناراسى, ارنايى اۆتوتراكتورلىق تەحنيكا مەن بٸرنەشە ٶرت سٶندٸرۋ كٶلٸكتەرٸ بار. قازٸرگٸ ۋاقىتتا مۇندا 15 قىزمەتكەر جۇمىس ٸستەيدٸ. سونداي-اق, 18 ادامنان تۇراتىن جەكە قۇرام بار.
وبلىس ەكٸمٸ ورمانشىلاردىڭ تابيعاتتى قورعاۋ بويىنشا اتقارىپ جاتقان ەڭبەكتەرٸنٸڭ ەرەكشە ەكەنٸن اتاپ ٶتتٸ. ماتەريالدىق-تەحنيكالىق بازانى نىعايتۋعا قاتىستى جۇمىستاردىڭ جالعاساتىنىن ايتتى.
«ورماندى قورعاۋ, تابيعاتتى ايالاۋ ەربٸر ازاماتتىڭ پارىزى دەپ سانايمىن. ورمانشىلاردىڭ اتقارىپ جٷرگەن جۇمىسى ٶتە ماڭىزدى. ولار تابيعاتتى قورعاپ, ٶرتتٸڭ الدىن الىپ, ٷلكەن جاۋاپكەرشٸلٸكپەن ەڭبەك ەتٸپ جاتىر. جەرگٸلٸكتٸ ەكٸمدٸك تاراپىنان تيٸستٸ قولداۋ كٶرسەتەمٸز. تابيعاتتى ساقتاۋ, قورعاۋ بەرٸمٸزدٸڭ ورتاق مٸندەتٸمٸز», – دەدٸ ايماق باسشىسى.
