Búgin Almaty oblysynyń ortalyǵy Qonaev qalasyndaǵy Mádenıet úıinde jazýshy, qazaq ádebıetiniń klassıgi, balalar ádebıetiniń báıteregi – Berdibek Ydyrysuly Soqpaqbaevtyń 100 jyldyq mereıtoıyna arnalǵan kesh ótti, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap. Kesh shymyldyǵy Almaty oblysynyń ákimi Marat Sultanǵazıevtiń quttyqtaý sózimen ashyldy. Óz sózinde Marat Eleýsizuly, qazaq rýhanıatyna óshpes mura qaldyrǵan jerlesimizdi álem moıyndap, mereıtoıy IýNESKO kóleminde toılanatynyn, sonymen qatar qalamgerdiń týǵan jeri Raıymbek aýdanynyń ortalyǵy – Narynqol aýylyndaǵy Berdibek Soqpaqbaevtyń aty beriletin saıabaqta jazýshynyń eńseli eskertkishi boı kóterip, oblys aýmaǵyndaǵy birqatar nysandar men kóshelerge aty beriletinin aıtty.
Óńir basshysynyń quttyqtaý-baıandamasynan keıin jazýshynyń qyzy Samal Soqpaqbaeva, jáne kesh qonaqtary QR Jazýshylar odaǵynyń basqarma tóraǵasy Mereke Qulkenov, aqyn-dramatýrg, memleket jáne qoǵam qaıratkeri QR Memlekettik syılyǵynyń laýreaty Nurlan Orazalın, Qazaq baspasóziniń aıtýly aqsaqaldarynyń biri, ótkir pýblısıs, Qazaqstan jazýshylar odaǵy derekti proza keńesiniń tóraǵasy, profesor-akademık, belgili jýrnalıs Marat Toqashbaev, QR Prezıdentiniń keńesshisi Málik Otarbaev, aqyn QR Parlament májilisiniń depýtaty Janarbek Áshimjan yqylasty quttyqtaýlaryn jetkizdi.
Keshtiń moderator-júrgizýshisi bolǵan Qazaqstannyń eńbek sińirgen qaıratkeri, akter Bekjan Turys. Kesh qonaqtaranyń ishinde «Meniń atym Qoja» fılimindegi Qojanyń rólin somdaǵan akter Nurlan Segizbaevta aıtýly keshtiń qurmetti meımany boldy. Saltanatty is-sharanyń resmı bóliminen soń qalamgerdiń rýhyna taǵzym jasaý úshin arnaıy kelgen Qazaqstanǵa tanymal estrada ánshileri Meırambek Besbaev, Madına Sadýaqasova, «Qońyr» toby, «Jigitter» toby, sonymen qatar tanymal opera ánshisi Eseńgeldi Yrza, dástúrli ánshi Qurmetjan Erbaq, «Senim» balalar horynyń ánderimen kópshiliktiń kóńili terbeti. Kesh sońy talantty akterlik quramnyń qoıylymdarymen aıaqtaldy.
