Búgin Almaty oblysynyń ortalyǵy Qonaev qalasyndaǵy Mádeniet úiinde jazýshy, qazaq ádebietiniń klassigi, balalar ádebietiniń báiteregi – Berdibek Ydyrysuly Soqpaqbaevtyń 100 jyldyq mereitoiyna arnalǵan kesh ótti, – dep habarlaidy Dalanews.kz Almaty oblysy ákiminiń baspasóz qyzmetine silteme jasap. Kesh shymyldyǵy Almaty oblysynyń ákimi Marat Sultanǵazievtiń quttyqtaý sózimen ashyldy. Óz sózinde Marat Eleýsizuly, qazaq rýhaniiatyna óshpes mura qaldyrǵan jerlesimizdi álem moiyndap, mereitoiy IýNESKO kóleminde toilanatynyn, sonymen qatar qalamgerdiń týǵan jeri Raiymbek aýdanynyń ortalyǵy – Narynqol aýylyndaǵy Berdibek Soqpaqbaevtyń aty beriletin saiabaqta jazýshynyń eńseli eskertkishi boi kóterip, oblys aýmaǵyndaǵy birqatar nysandar men kóshelerge aty beriletinin aitty.
Óńir basshysynyń quttyqtaý-baiandamasynan keiin jazýshynyń qyzy Samal Soqpaqbaeva, jáne kesh qonaqtary QR Jazýshylar odaǵynyń basqarma tóraǵasy Mereke Qulkenov, aqyn-dramatýrg, memleket jáne qoǵam qairatkeri QR Memlekettik syilyǵynyń laýreaty Nurlan Orazalin, Qazaq baspasóziniń aitýly aqsaqaldarynyń biri, ótkir pýblitsist, Qazaqstan jazýshylar odaǵy derekti proza keńesiniń tóraǵasy, professor-akademik, belgili jýrnalist Marat Toqashbaev, QR Prezidentiniń keńesshisi Málik Otarbaev, aqyn QR Parlament májilisiniń depýtaty Janarbek Áshimjan yqylasty quttyqtaýlaryn jetkizdi.
