Búgin, qylmystyq is boiynsha tergeý áreketterin júrgizý aiasynda Almaty qalasynyń aýmaǵynda QR QPK-niń 128–131-baptarynyń tártibimen Sanjar Boqaev ustaldy, dep habarlaidy Dalanews.kz.
Boqaev jalǵan aqparat taratý jáne qoǵamda teris pikir qalyptastyrý maqsatynda áleýmettik jelilerde jekelegen tulǵalardyń qoǵamdyq saiabaq aýmaǵynda aǵashtardy zańsyz kesýi jáne qurylys nysandarynan múlik urlaýy týraly beinematerialdardy ornalastyrdy degen kúdikke ilindi.
Tergeý derekterine sáikes, Boqaev atalǵan qylmystardy uiymdastyryp, qarjylandyrǵan. Ol úshin tabysy tómen adamdardy tartyp, olarǵa aqshalai syiaqy berý arqyly aǵash kesý men urlyq jasaýǵa tapsyrma bergen.
Sondai-aq, ol asa iri mólsherde qarjy qarajatyn alaiaqtyq jolmen jymqyrdy degen kúdikke ilinýde.
Ózge aqparat QR QPK-niń 201-babyna sáikes jariia etýge jatpaidy.
