Azamattyq belsendi Abzal Dostiiar Qyzylorda oblysynyń ákimi Nurlybek Nálibaev pen Mańǵystaý oblysynyń ákimi Nurdáýlet Qilybaidyń jumystaryn maqtap, olardyń halyqpen keri bailanys ornatýdaǵy tájiribesin ózgelerge úlgi etti, dep habarlaidy Dalanews.kz.
“Ákimderdiń ishinde “úzdigi kim?” dep reiting jasap jatady. Óz basym Qyzylorda oblysynyń ákimi Nurlybek Nálibaev pen Mańǵystaý oblysynyń ákimi Nurdáýlet Qilybaidyń jumysyna kóńilim tolatynyn jasyrmaimyn”, - dep jazdy ol.
Ol Nálibaevqa qatysty qoǵamda ártúrli syn-pikir aitylatynyn joqqa shyǵarmaitynyn, alaida bul joly onyń saiasi menedjmenti men kommýnikatsiialyq strategiiasyn ǵana sóz etip otyrǵanyn jetkizdi.
“Onyń belgili bir yqpaldy toptarmen bailanysy bar ekeni, óńirdegi resýrstar men aktivterge yqpaly týraly syn-pikirler kezdesedi. Eger “Qańtar oqiǵasynan” keiin shynaiy saiasi jáne ekonomikalyq transformatsiia júrip, elitalyq aktivterdi reviziialaý tolyq iske asqanda, bul áýlettiń de kapitaly memleket menshigine qaitarylar ma edi — bul bólek taqyryp.
Alaida men bul jerde onyń saiasi menedjmenti men kommýnikatsiialyq strategiiasy týraly aityp otyrmyn”, - deidi belsendi.
Onyń pikirinshe, Syr óńiri turǵyndarynyń oblys ákimine degen oń kózqarasy baiqalady. Ol muny jergilikti deńgeidegi legitimdiliktiń bir kórinisi dep baǵalaidy.
Sondai-aq ol Mańǵystaý oblysynyń ákimi Nurdáýlet Qilybaidyń halyqty tań atqanǵa deiin qabyldap, talap-tilegin tyńdap júrgenin saiasi kommýnikatsiia turǵysynan durys qadam dep esepteidi.
“Haip pa, imidjdik saiasat pa — báribir, eń bastysy áreket bar. Al áreket — basqarýdyń mańyzdy elementi”, - dep qosty Dostiiar.
Belsendi oppozitsioner osy rette ortalyq bilik deńgeiinde, sonyń ishinde Aqorda tarapynan ashyq dialog formaty júieli túrde qalyptaspai otyrǵanyn synǵa aldy.
“Al endi suraq: nege ortalyq bilik, naqty aitqanda Aqorda, osyndai ashyq dialog formatyn júieli túrde qalyptastyra almaidy?Nege azamattyq qoǵam institýttarymen shynaiy dialog alańy qurylmaidy? Nege qoǵamdyq konsensýs izdeýdiń ornyna qorqytý ritorikasy basym?”, - deidi ol.
Dostiiar eldegi kúrdeli jaǵdai men geosaiasi táýekelder jaǵdaiynda bilik halyq qoldaýyn qysym arqyly emes, senim arqyly izdeýi kerek ekenin aitty. Ol senim ashyqtyq negizinde qalyptasatynyn atap ótti.
“Ásirese tarihi protestik áleýeti bar Almaty qalasyndaǵy azamattyq qoǵammen institýtsionaldy áriptestik ornatý qajet.
Jaǵympazdardyń filtrinen ótken aqparatqa ǵana súienbei, grassroots deńgeidegi belsendilerdiń, sarapshylardyń, táýelsiz pikir ieleriniń usynystaryn tyńdaý — saiasi modernizatsiianyń alǵysharty.
Qai salada qandai problema bar?
Qandai reformalar qajet?
Qandai regýliatorlyq ózgerister kerek?
Osylardy ashyq talqylaý kerek.
Halyqty qysyp ustap otyryp, sol halyqtan qoldaý kútý — saiasi paradoks.
Qoǵamdyq qoldaý — ákimshilik resýrs arqyly emes, senim kapitaly arqyly qalyptasady”, - dedi ol.
