QR Energetika ministrligi Qazaqstan men Belorýs memleketi arasyndaǵy munai jáne munai ónimderin saýdalaý isi júieli túrde talqylanyp jatqany málim boldy.
– Qazaqstan munaiyn Resei aýmaǵy arqyly Belorýs eline jetkizý máselesin belorýstar Resei tarabymen talqylap jatyr, – dep habarlady QR Energetika ministrligi.
Esterińizge sala keteiik Qazaqstan men Belorýs taraby munai tasymaldaý isin 2019 jyldyń kúzinen bastap sóz bola bastaǵan bolatyn. Sol kezde eki jaqty kelisimge 2019 jyldyń aiaǵyna deiin qol qoiylady dep kútilgen edi. Biraq odaqtas eki eldiń bul oiy iske aspai qalǵany belgili.
Taraptar munaidy Resei territoriiasy arqyly tasymaldaý úshin resmi Máskeýdiń kelisimi kerek ekenin aitqan bolatyn. Sol kezde Qazaqstan Belorýs eline jylyna 1-3,5 mln tonna munai men munai ónimderin tasymaldaýy múkin ekeni jaiynda aqparattar taraǵan-dy.
Biyl 21 qańtarda Belorýs prezidenti Aleksandr Lýkashenko Qazaqstan munaiyn óz eline tasýǵa Resei kelismin bermei otyrǵanyn aitqannan keiin, jurttyń nazaryn aýdarǵan bolatyn. Ázirshe bul máseleniń túiini qashan tarqaityny belgisiz.
