Sońǵy kúnderi qazaq qoǵamynda Qazaqstan munaıyn Belorýs memleketine eksporttaý isine Reseıdiń kedergi keltirip otyrǵanyn jurt qatty talqylanǵan bolatyn. Endi bul isti Belorýs basshylyǵy Qazaqstandy aralastyrmaı reseılik áriptesterimen bólek talqylaıtyn QR Energetıka mınıstrligi málimdedi. Bul jaıynda Dalanes.kz aqparat agenttigi Sputnik Qazaqstan saıtyna silteme jasap habarlaıdy.  

QR Energetıka mınıstrligi Qazaqstan men Belorýs memleketi arasyndaǵy munaı jáne munaı ónimderin saýdalaý isi júıeli túrde talqylanyp jatqany málim boldy.

– Qazaqstan munaıyn Reseı aýmaǵy arqyly Belorýs eline jetkizý máselesin belorýstar Reseı tarabymen talqylap jatyr, – dep habarlady QR Energetıka mınıstrligi.

Esterińizge sala keteıik Qazaqstan men Belorýs taraby munaı tasymaldaý isin 2019 jyldyń kúzinen bastap sóz bola bastaǵan bolatyn. Sol kezde eki jaqty kelisimge 2019 jyldyń aıaǵyna deıin qol qoıylady dep kútilgen edi. Biraq odaqtas eki eldiń bul oıy iske aspaı qalǵany belgili.

Taraptar munaıdy Reseı terıtorıasy arqyly tasymaldaý úshin resmı Máskeýdiń kelisimi kerek ekenin aıtqan bolatyn. Sol kezde Qazaqstan Belorýs eline jylyna 1-3,5 mln tonna munaı men munaı ónimderin tasymaldaýy múkin ekeni jaıynda aqparattar taraǵan-dy.

Bıyl 21 qańtarda Belorýs prezıdenti Aleksandr Lýkashenko Qazaqstan munaıyn óz eline tasýǵa Reseı kelismin bermeı otyrǵanyn aıtqannan keıin, jurttyń nazaryn aýdarǵan bolatyn. Ázirshe bul máseleniń túıini qashan tarqaıtyny belgisiz.