ق ر ەنەرگەتيكا مينيسترلىگى قازاقستان مەن بەلورۋس مەملەكەتى اراسىنداعى مۇناي جانە مۇناي ونىمدەرىن ساۋدالاۋ ءىسى جۇيەلى تۇردە تالقىلانىپ جاتقانى ءمالىم بولدى.
– قازاقستان مۇنايىن رەسەي اۋماعى ارقىلى بەلورۋس ەلىنە جەتكىزۋ ماسەلەسىن بەلورۋستار رەسەي تارابىمەن تالقىلاپ جاتىر، – دەپ حابارلادى ق ر ەنەرگەتيكا مينيسترلىگى.
ەستەرىڭىزگە سالا كەتەيىك قازاقستان مەن بەلورۋس تارابى مۇناي تاسىمالداۋ ءىسىن 2019 جىلدىڭ كۇزىنەن باستاپ ءسوز بولا باستاعان بولاتىن. سول كەزدە ەكى جاقتى كەلىسىمگە 2019 جىلدىڭ اياعىنا دەيىن قول قويىلادى دەپ كۇتىلگەن ەدى. ءبىراق وداقتاس ەكى ەلدىڭ بۇل ويى ىسكە اسپاي قالعانى بەلگىلى.
تاراپتار مۇنايدى رەسەي تەرريتورياسى ارقىلى تاسىمالداۋ ءۇشىن رەسمي ماسكەۋدىڭ كەلىسىمى كەرەك ەكەنىن ايتقان بولاتىن. سول كەزدە قازاقستان بەلورۋس ەلىنە جىلىنا 1-3،5 ملن توننا مۇناي مەن مۇناي ونىمدەرىن تاسىمالداۋى مۇكىن ەكەنى جايىندا اقپاراتتار تاراعان-دى.
بيىل 21 قاڭتاردا بەلورۋس پرەزيدەنتى الەكساندر لۋكاشەنكو قازاقستان مۇنايىن ءوز ەلىنە تاسۋعا رەسەي كەلىسمىن بەرمەي وتىرعانىن ايتقاننان كەيىن، جۇرتتىڭ نازارىن اۋدارعان بولاتىن. ازىرشە بۇل ماسەلەنىڭ ءتۇيىنى قاشان تارقايتىنى بەلگىسىز.
