Máselen, bloger Ońǵar Qabdenniń jazýynsha, ony politsiia men jedel járdem qyzmeti mamandary psihdispanserge jetkizgen.
"Pavlodarǵa otyz jetinshi jyl keldi.
Keshe keshki saǵat 17.00-de Kereký kósheleriniń birindegi Halyq bankten belgili til janashyry Rýza Beisenbaitegin politsiiasy bar, jedel járdemi bar bári alyp ketken. Aparyp jyndyhanaǵa jaýypty. Rýzanyń ústinen aryz jazǵan qazaq jigiti eken. Men Rýza apaiǵa erkinen tys psihotroptyq dáriler egip tastady ma dep qorqamyn", - delingen avtordyń jazbasynda.
Ońǵar Qabden tildiń, ulttyń máselesin kótergenderdiń osylai biliktiń qyryna ilinetinin atap ótedi. Ol munyń qaýipti úrdis ekenin de jetkizgen.
Til janashyrynyń jyndyhanaǵa jetkizilgenin Pavlodar turǵyny Suńǵat Sársenbaev rastap otyr.
Qoǵam belsendisi psihdispanserge baryp, Rýza Beisenbaitegimen kezdesken. Onyń aitýynsha, 24 qańtarda kóshede ketip bara jatqan Rýza Beisenbaiteginen belgisiz er adam bir mekenjaidy suraǵan.
Sol er adammen arada tilge qatysty kikiljiń týyp, aqyry ol “Myna áieldiń deni saý emes” dep psihdispanser ókilderin shaqyrǵan. Kóp uzamai jedel járdem kelip, kúshtep alyp ketken.
Al mundai jaǵdaida dárigerler adamdy tekserip, konsiliým jasap, sodan keiin sheshim shyǵarýy tiis. Sondai-aq 22-72 saǵat aralyǵynda ǵana ustaýǵa quqyǵy bar.
"Bul taza arandatý dep oilaimyn. Shaǵym túsirgen adam jóninde dispanser aqparat bergen joq. Sebebi tek advokat nemese Rýza Beisenbaiteginiń týystary ǵana aqparat ala alady eken", - dedi Suńǵat Sársenbaev Azattyqqa.
Ol qazir jylý jinap, advokat izdep jatqanyn málimdegen.
“Til janashyry Rýza apamyz bul kúnderge shydap ketýi kerek. Ol kisimen sóilestik. Bári jaqsy. Endi kósheden alyp ketip, psihdispanserge qamaǵannan kez kelgen adam shok alady. Qazir advokat izdep jatyrmyz” dedi ol.
Foto: respublika.kz
Taǵy oqyńyz:
https://dalanews.kz/del-qazir/98519-maraldydagy-altyn-ondirisin-aiaqtan-sh
