Onyń atap ótkenindei ásirese Ordabasy aýdanynda qyzdardyń qarsylyǵyna qaramai kúshtep, qinap alyp qashý ádetke ainalǵan. Buǵan kýá jandar jeterlik.
Jýrnalist osy oraida Túrkistan oblysynda mektep jasyndaǵy qyzdy 33 jastaǵy múgedek jigitke alyp qashyp ákelgen oqiǵany jelidegi jurtqa jariia etti. 15-ke endi tolǵan órimdei qyz bosaǵany óz erkimen attamasa da, ázir sol úide kelin bolyp júr.
"Túrkistan oblysy Ordabasy aýdanynyń turǵyny maǵan hat jazdy. Kórshisiniń 15 jastaǵy úrimdei qyzdy alyp qashyp alǵanyn aitty.
Kámeletke tolmaǵan qyzdy arbaǵa tańylǵan múgedek ulyna áiel etip alǵan. Ol óz erkinsiz kelse de, kelin bolýǵa kóngen. Balamnyń kirin jýǵanǵa jaqsy boldy dep júr anasy.
Qyzdyń ákesi joq, anasy ózgege kúieýge tigendiktin qorǵany joq ekenin paidalanyp tur deidi kórshisi. Ózimniń de úsh qyzym bar. Jas kelinge janym ashyp, sizge jazdym" dep jazdy kórshisi", - dedi Gúlmira Ábiqai.
Onyń aitýynsha, Túrkistan oblysy zańdy belden basyp, bilgenin istep otyr. Sonda basshylyq ai qaraǵan ba?
"Jas qyz ózi kórmegen múgedek jigitke turmysqa shyqqan. Kámelet jasqa tolmaǵan qyzben jaqyndasý - qylmys. Sonda oblystaǵy Ordabasy aýdany qaida qarap otyr? Bularda zań bar ma? Zańǵa qaraityn adam joq pa? Organdar qaida? Aýyldyń aqsaqaldary qaida? Jas qyzdyń taǵdyry eshkimdi alańdatpai ma?", - dedi Gúlmira Ábiqai paraqshasynda.
Jelidegi jurt óz kezeginde óńirde mundai jáit jii kezdesetinin aitady.
