ونىڭ اتاپ وتكەنىندەي اسىرەسە ورداباسى اۋدانىندا قىزداردىڭ قارسىلىعىنا قاراماي كۇشتەپ، قيناپ الىپ قاشۋ ادەتكە اينالعان. بۇعان كۋا جاندار جەتەرلىك.
جۋرناليست وسى ورايدا تۇركىستان وبلىسىندا مەكتەپ جاسىنداعى قىزدى 33 جاستاعى مۇگەدەك جىگىتكە الىپ قاشىپ اكەلگەن وقيعانى جەلىدەگى جۇرتقا جاريا ەتتى. 15-كە ەندى تولعان ورىمدەي قىز بوساعانى ءوز ەركىمەن اتتاماسا دا، ءازىر سول ۇيدە كەلىن بولىپ ءجۇر.
"تۇركىستان وبلىسى ورداباسى اۋدانىنىڭ تۇرعىنى ماعان حات جازدى. كورشىسىنىڭ 15 جاستاعى ۇرىمدەي قىزدى الىپ قاشىپ العانىن ايتتى.
كامەلەتكە تولماعان قىزدى ارباعا تاڭىلعان مۇگەدەك ۇلىنا ايەل ەتىپ العان. ول ءوز ەركىنسىز كەلسە دە، كەلىن بولۋعا كونگەن. بالامنىڭ كىرىن جۋعانعا جاقسى بولدى دەپ ءجۇر اناسى.
قىزدىڭ اكەسى جوق، اناسى وزگەگە كۇيەۋگە تيگەندىكتىن قورعانى جوق ەكەنىن پايدالانىپ تۇر دەيدى كورشىسى. ءوزىمنىڭ دە ءۇش قىزىم بار. جاس كەلىنگە جانىم اشىپ، سىزگە جازدىم" دەپ جازدى كورشىسى"، - دەدى گۇلميرا ءابىقاي.
ونىڭ ايتۋىنشا، تۇركىستان وبلىسى زاڭدى بەلدەن باسىپ، بىلگەنىن ىستەپ وتىر. سوندا باسشىلىق اي قاراعان با؟
"جاس قىز ءوزى كورمەگەن مۇگەدەك جىگىتكە تۇرمىسقا شىققان. كامەلەت جاسقا تولماعان قىزبەن جاقىنداسۋ - قىلمىس. سوندا وبلىستاعى ورداباسى اۋدانى قايدا قاراپ وتىر؟ بۇلاردا زاڭ بار ما؟ زاڭعا قارايتىن ادام جوق پا؟ ورگاندار قايدا؟ اۋىلدىڭ اقساقالدارى قايدا؟ جاس قىزدىڭ تاعدىرى ەشكىمدى الاڭداتپاي ما؟"، - دەدى گۇلميرا ءابىقاي پاراقشاسىندا.
جەلىدەگى جۇرت ءوز كەزەگىندە وڭىردە مۇنداي ءجايت ءجيى كەزدەسەتىنىن ايتادى.
