Belgili jýrnalist Gúlbaný Ábenova depýtat Ardaq Nazarovty jekpe-jekke shaqyrdy, dep habarlaidy Dalanews.kz.
Jýrnalist Nazarovty tikelei efirge qosylyp, mańyzdy suraqtarǵa jaýap berýge shaqyrdy.
"Men, jýrnalist retinde, sizdi MMA erejesi boiynsha ashyq jekpe-jekke shaqyramyn. Shyǵyńyz tikelei efirge - sol bizdiń oktagonymyz bolsyn! Sóz jetkilikti. Bos áńgimeden, ertegiden jáne kúmánnen sharshadyq. Halyqqa kóp ýáde berdińiz, kóp sóz aittyńyz. Endi sóz emes, is qajet. Tikelei efirde meniń suraqtaryma jaýap berińiz: sizdiń bilimińiz, eńbek jolyńyz, ómirbaianyńyz - bári halyq aldynda ashyq aitylsyn", - deidi jýrnalist.
Ol Nazarovqa qolǵaptyń ornyna diplomdaryn, stýdent kezińizde túsken sýretterin ala kelýin aitty.
"Kýrstastaryńyzben túsken fotolaryńyzdy kórsetińiz. Halyq bárin óz kózimen kórsin. Bul - tek jekpe-jek emes. Bul - shyndyq, ádilet pen aqiqat úshin aiqas. Sizdiń judyryǵyńyzda halyq tur dep maqtanasyz, al meniń qalamymda halyq tur. Halyqty aldamaǵanyńyzdy dáleldeńiz. Eger shynymen er azamat bolsańyz - oktagonǵa shyǵyp, sony dáleldeńiz! Meni «táteshka» dep syltaý aitýshy bolmańyz! Erkek bolsańyz - shyǵyńyz!", - deidi Ábenova.
