بەلگىلى جۋرناليست گۇلبانۋ ابەنوۆا دەپۋتات ارداق نازاروۆتى جەكپە-جەككە شاقىردى، دەپ حابارلايدى Dalanews.kz.
جۋرناليست نازاروۆتى تىكەلەي ەفيرگە قوسىلىپ، ماڭىزدى سۇراقتارعا جاۋاپ بەرۋگە شاقىردى.
"مەن، جۋرناليست رەتىندە، ءسىزدى مما ەرەجەسى بويىنشا اشىق جەكپە-جەككە شاقىرامىن. شىعىڭىز تىكەلەي ەفيرگە - سول ءبىزدىڭ وكتاگونىمىز بولسىن! ءسوز جەتكىلىكتى. بوس اڭگىمەدەن، ەرتەگىدەن جانە كۇماننەن شارشادىق. حالىققا كوپ ۋادە بەردىڭىز، كوپ ءسوز ايتتىڭىز. ەندى ءسوز ەمەس، ءىس قاجەت. تىكەلەي ەفيردە مەنىڭ سۇراقتارىما جاۋاپ بەرىڭىز: ءسىزدىڭ ءبىلىمىڭىز، ەڭبەك جولىڭىز، ءومىربايانىڭىز - ءبارى حالىق الدىندا اشىق ايتىلسىن"، - دەيدى جۋرناليست.
ول نازاروۆقا قولعاپتىڭ ورنىنا ديپلومدارىن، ستۋدەنت كەزىڭىزدە تۇسكەن سۋرەتتەرىن الا كەلۋىن ايتتى.
"كۋرستاستارىڭىزبەن تۇسكەن فوتولارىڭىزدى كورسەتىڭىز. حالىق ءبارىن ءوز كوزىمەن كورسىن. بۇل - تەك جەكپە-جەك ەمەس. بۇل - شىندىق، ادىلەت پەن اقيقات ءۇشىن ايقاس. ءسىزدىڭ جۇدىرىعىڭىزدا حالىق تۇر دەپ ماقتاناسىز، ال مەنىڭ قالامىمدا حالىق تۇر. حالىقتى الداماعانىڭىزدى دالەلدەڭىز. ەگەر شىنىمەن ەر ازامات بولساڭىز - وكتاگونعا شىعىپ، سونى دالەلدەڭىز! مەنى «تاتەشكا» دەپ سىلتاۋ ايتۋشى بولماڭىز! ەركەك بولساڭىز - شىعىڭىز!"، - دەيدى ابەنوۆا.
