Qazaqstandyq tanymal reper Qurt-tyń (shyn aty – Damir Qoishybaev) áieli Arýjan Qoishybaeva áleýmettik jeli arqyly kúieýin turmystyq zorlyq-zombylyq jasady aiyptady, dep habarlaidy Dalanews.kz.
Arýjan Instagram paraqshasynda denesindegi kógergen jerlerdi kórsetetin sýretterdi jariialap, 27 maýsymda tańǵy saǵat 10 shamasynda kúieýi belbeýmen bir saǵat boiy soqqyǵa jyqqanyn jazdy. Onyń aitýynsha, birinshi belbeý synyp qalǵannan keiin ol basqa belbeýmen urýyn jalǵastyrǵan.
"Páterden shyǵa almadym. Sodan keiin aiǵailap, kómek surai bastadym. "Kómektesińizder, qutqaryńyzdar, óltirgeli jatyr" dep aiqailaǵanymdy kórshiler estip, meni qutqardy", – dedi ol.
Arýjan buǵan deiin bolǵan jaǵdailardy jariialamaǵanyn, sebebi kúieýine sezimi bolǵanyn aitty. Alaida, onyń aitýynsha, Damir istegen isine ókinish bildirmegen.
Ol barlyq dáleldi qujattap, politsiiaǵa resmi aryz jazýdy josparlap otyrǵanyn jetkizdi. Alaida Qurt pen dostary oǵan qysym kórsetip, shaǵymnan bas tartýǵa májbúrlegenin de jasyrmady.
"Ol dostarymen kelip, meni videoǵa túsirip, eshqandai shaǵymym joq dep aitqyzdy. Qazir keibireýleri meni qorqytyp jatyr. Advokat jaldaý úshin kómek kerek", – dedi ol.
Sonymen qatar, Arýjan óziniń júkti ekenin de aitty.
Astana qalalyq Politsiia departamentiniń habarlaýynsha, oqiǵa 27 maýsymda tirkelip, quqyqbuzýshy ýaqytsha ustaý bólmesine qamalǵan. Oǵan qatysty qorǵanys uiǵarymy shyǵarylyp, ákimshilik is sotqa jiberilgen.
Alaida sotta taraptar tatýlasqan. Politsiia bul is boiynsha qosymsha tekseris júrgizilip jatqanyn jáne qajet bolǵan jaǵdaida qylmystyq is qozǵalatynyn habarlady.
Aita keteiik, 24 jastaǵy Damir Qoishybaev Qurt laqapatymen tanymal. Ol Skriptonit, Truwer jáne 104 sekildi belgili reperlermen birge jumys istep, tyńdarmandar arasynda tanymaldylyqqa ie bolǵan.
