Oljas Bektenov basty mindet turǵyndarymyzdyń qaýipsizdigin qamtamasyz etý ekenin atap ótti. Premer-Ministr jaǵdaidyń nasharlaýyna jol bermeý úshin jasalyp jatqan sharalarmen tanysty.
Óńirde erigen qar sýyn ótkizý maqsatynda Qostanai qalasyndaǵy kishi kópir aýdanynda jumys istemeitin jol tósemi ashyldy, eldi mekenderde arnaiy bógetter salynyp, erigen sýlardy basqa jaqqa burý úshin aryqtar daiyndalýda, topyraq toltyrylǵan qapshyqtar men inertti materialdar tóselip, sýdy sorý jáne basqa da jumystar júrgizilip jatyr. Qarasý jáne Tobyl ózenderinde muz jarý jumystary júrgizildi.
Jumystar kúsheitilgen rejimde júrgizilýde. 2000-ǵa jýyq adam, 650-den astam tehnika, motopompalar, sondai-aq júzý quraldary men áýe kemeleri jumyldyryldy.
Óńirde sý tasqyny kezeńi bastalǵannan beri barlyǵy 3257 adam qutqaryldy jáne evakýatsiialandy, ýaqytsha ornalastyrý pýnktterine 632 adam ornalastyrylǵan, qalǵandary óz erkimen týystary men jaqyndarynyń úiine barýǵa sheshim qabyldady. Qosymsha evakýatsiialaý jáne ýaqytsha ornalastyrý pýnktteri tolyq daiyndyq rejiminde.
Jaǵdai – turaqty baqylaýda.
