Bektenov sý tasqyny kezinde turǵyndardyń qaýipsizdigi basa kóńil bólinetinin aıtty

Jarbol Kentuly 06 sáý. 2024 19:47 7193

Oljas Bektenov basty mindet turǵyndarymyzdyń qaýipsizdigin qamtamasyz etý ekenin atap ótti. Premer-Mınıstr jaǵdaıdyń nasharlaýyna jol bermeý úshin jasalyp jatqan sharalarmen tanysty.

 

Óńirde erigen qar sýyn ótkizý maqsatynda Qostanaı qalasyndaǵy kishi kópir aýdanynda jumys istemeıtin jol tósemi ashyldy, eldi mekenderde arnaıy bógetter salynyp, erigen sýlardy basqa jaqqa burý úshin aryqtar daıyndalýda, topyraq toltyrylǵan qapshyqtar men ınertti materıaldar tóselip, sýdy sorý jáne basqa da jumystar júrgizilip jatyr. Qarasý jáne Tobyl ózenderinde muz jarý jumystary júrgizildi.

Jumystar kúsheıtilgen rejımde júrgizilýde. 2000-ǵa jýyq adam, 650-den astam tehnıka, motopompalar, sondaı-aq júzý quraldary men áýe kemeleri jumyldyryldy.

Óńirde sý tasqyny kezeńi bastalǵannan beri barlyǵy 3257 adam qutqaryldy jáne evakýasıalandy, ýaqytsha ornalastyrý pýnktterine 632 adam ornalastyrylǵan, qalǵandary óz erkimen týystary men jaqyndarynyń úıine barýǵa sheshim qabyldady. Qosymsha evakýasıalaý jáne ýaqytsha ornalastyrý pýnktteri tolyq daıyndyq rejıminde.

Jaǵdaı – turaqty baqylaýda.


Usynylǵan
Sońǵy jańalyqtar