Úkimet Jezqazǵan qalasynyń jylý jelilerin rekonstrýktsiialaý men jańǵyrtýǵa 2,8 mlrd teńgeden asa qarjy bóldi, - dep habarlaidy Dalanews.kz.
Premer-ministr Oljas Bektenov tiisti qaýlyǵa qol qoidy. Jezqazǵan qalasy jylý jelileriniń uzyndyǵy 398 shaqyrymǵa jetedi. Nysan 1951 jyly paidalanýǵa berilgen, 56,6 paiyzǵa tozǵan.
"Jylý jelileri tsehynda 1969 jyly iske qosylǵan 8 sorǵy stansasy bar. Jylytý maýsymynda jylý jelileriniń tozýy jylýmen qamtamasyz etýge keri áserin tigizedi", - dep jazylǵan habarlamada.
Qalanyń keńeiýin jáne salynyp jatqan jańa Batys aýdanyn jylýmen qamtamasyz etý qajet ekenin eskere otyryp, bastapqy joba túzetilgen: qubyrlardyń diametri 800 mm-den 1000 mm-ge deiin, al jelilerdiń uzyndyǵy 11,4 shaqyrymnan 12,3 shaqyrymǵa deiin ulǵaitylǵan.
