Premer-ministr Prezidentke Aqtaý mańynda bolǵan ushaq apatyna bailanysty aǵymdaǵy jaǵdai týraly habarlady, - dep habarlaidy Dalanews.kz.
Memleket basshysyna Úkimettik komissiianyń Aqtaý qalasy áýejaiynyń mańynda bolǵan Az Airlines áýe kompaniiasynyń Embraer 190 ushaǵynyń apatqa ushyraý sebepterin tekserý jáne zardap shekkenderge kómek kórsetý jóninde júrgizip jatqan jumysy týraly baiandaldy.
Oqiǵa ornynda zardap shekkenderge tolyq qoldaý kórsetý úshin sharalar qabyldandy. Tótenshe jaǵdailar qyzmeti 430-dan astam qyzmetker men 80-ge jýyq tehnikany jumyldyrdy. 29 adam aýrýhanaǵa jatqyzyldy. Zardap shekkenderge qajetti meditsinalyq, psihologiialyq jáne basqa da kómek kórsetilýde. Apattyq-qutqarý jumystary jalǵasyp jatyr.
Ázerbaijan Úkimetimen birlesip shetel azamattary men qaza tapqan jolaýshylardyń otbasylaryna qajetti kómek kórsetilip jatyr.
Prezident zardap shekken azamattarǵa kómek kórsetý jumysyn erekshe baqylaýda ustaýdy jáne kórshiles elderdiń úkimetterine qajetti járdem kórsetýdi tapsyrdy.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnikasy bardy. Oqiǵa ornyna kelgen boida áýe kemesi janyp jatty. Qutqarý bólimsheleri órtti sóndirýge kiristi".
"Qazaeronavigatsiia" aqparatynsha, Baký-Groznyi baǵyty boiynsha kele jatqan "Embrair190" AHY8243 ushaǵy Aqtaýda quspen soqtyǵysqan.
Al ázerbaijandyq BAQ-tyń habarlaýynsha, bortta 67 adam men 5 ekipaj múshesi bolǵan.
