Kúni keshe ǵana Úkimet Tóraǵasy bolyp bekitilgen Oljas Bektenovtyń Nazarbaevtyń senimdi serigi Ádilbek Jaqsybekovpen jek-jattyq bailanysy bar degen qaýeset áńgimeler Astana men Almatynyń arasynda jeldei eskenine kýá boldyq. Kezinde Oljas Bektenov Antikordyń basshysy bolyp taǵaiyndalǵanda bul áńgime bir kóterilip basylǵan bolatyn.
Bul joly «Giperborei» arnasynyń jetekshisi, belgili jýrnalist Vadim Boreiko Bektenov pen Jaqsybekovtyń arasyndaǵy jek-jattyq qatynasty tereńirek bilýge tyrysypty.
Áriptesimiz kezekti efirine saiasatker Sanjar Boqaevty shaqyryp, Bektenov pen Jaqsybekovtyń arasynda qandai jek-jattyq qarym-qatynas bar ekenin bilýge talpynady. Ol Boqaevqa «Bektenov Jaqsybekovtyń kúieý balasy ma?» degen suraqty tótesinen qoiady.
Jýrnalistiń bul suraqty Boqaevqa qoiýynyń ózindik logikasy bar. Óitkeni, Boqaev Bektenovten bar bolǵany eki jas qana kishi, ekeýi de Almatynyń týmasy. Sol sebepti Boreiko Boqaevtan Bektenov pen Jaqsybekovtyń jek-jattyq týystyǵy jaiynda bir habardy bilse Boqaev biler dep úmittense kerek. Ókinishke orai, Boreikonyń úmiti aqtalǵan joq.
– Bektenov pen Jaqsybekovtyń arasynda qandai jek-jattyq bailanys bar ekenin bilmeimin. Eger aldaǵy ýaqytta bilik basyndaǵylar bir-birine «brat-svat» bolyp shyǵyp jatsa, óz basym oǵan tańqalmaimyn, – dep Sákeń qysqa qaiyrypty.
Biraq jýrnalist Boreiko Bektenov pen Jaqsybekovtyń arasyndaǵy jekjattyq qarym-qatynasty biraz zerttegen eken.
Ol Bektonov Úkimet basshysy bolardyń aldynda Vikipediia saityna kirip, Ádilbek Jaqsybekovtyń ómirbaianyna úńilgende onda Oljas Bektenovtyń Ádilbek Jaqsybekovtyń kúieý balasy ekeni taiǵa tańba basqandai anyq jazylǵanyn kóredi.
Artynsha áriptesimiz Vikipediiadan Bektenovtyń avtobiografiiasyn kóz salǵanda «Jaqsybekov Bektenovtyń qaiynatasy» dep jazylǵanyn baiqaidy. Suhbat barysynda Boreiko munyń bárin videoskrinshotqa túsirip, kompiýterine júktep alǵanyn tilge tiek etedi.
Oljas Bektenov Úkimet basshysy bolyp bekigennen keiin Vikipediia saityndaǵy álgi derekterdiń bári óshirilgenin jýrnalist baiqaidy.
Boreiko Vikipediiadaǵy saiasi tulǵalardyń ómirbaian derekterin kez kelgen adamnyń toltyrý múmkin ekenin eskerip, Zokon.kz saityndaǵy derekter bazasyna kóz salǵanda onda Ádilbek Jaqsybekovtyń týystarynyń qatarynda Bektenovtyń joq ekenine kóz jetkizedi.
Aitpaqshy, Jaqsybekovtyń biografiiasyna úńilgen kez kelgen adam onyń kindiginen taraǵan qyz balanyń bolmaǵanyn birden baiqaidy.
Vadim Boreiko munymen shektelemei, Daniiar Áshimbaev shyǵaratyn «Kto est kto v Kazahstane» jinaǵyn paraqtaǵanda Ádilbek Jaqsybekovtyń jalǵyz uly Dáýren Jaqsybekovtyń bar ekenine taǵy da kóz jetkizedi.
Demek budan Bektenov Jaqsybekovtyń tikelei kúieý balasy emes dep qorytyndy shyǵarýǵa bolady.
Sonda Bektenov pen Jaqsybekovtyń arasynda qandai jek-jattyq bailanys bolýy múmkin?
Boreiko Oljas Bektenovtyń eńbek jolyna kóz salǵanda onyń 2015-2016 jyldary Ádilbek Jaqsybekov Astana qalasynyń ákimi bolyp turǵanda Astana qalasy ákimdigi apparatynyń basshysy bolyp qyzmet atqarǵan baiqaidy.
Demek, «Bektenov pen Jaqsybekovtyń arasynda jek-jattyq bailanys bar» degen jel sózdi taratýshylar, qos saiasi tulǵanyń birge qyzmet etkenin alǵa tartyp áńgime taratýy yqtimal.
Aldaǵy ýaqytta eki azamattyń ózara qandai bailanysy bar ekenin ózderi ashyp aitar dep úmittenimiz.
Ázirshe Boreikonyń kómegimen bilgenimiz osy.
