كٷنٸ كەشە عانا ٷكٸمەت تٶراعاسى بولىپ بەكٸتٸلگەن ولجاس بەكتەنوۆتىڭ نازارباەۆتىڭ سەنٸمدٸ سەرٸگٸ ەدٸلبەك جاقسىبەكوۆپەن جەك-جاتتىق بايلانىسى بار دەگەن قاۋەسەت ەڭگٸمەلەر استانا مەن الماتىنىڭ اراسىندا جەلدەي ەسكەنٸنە كۋە بولدىق. كەزٸندە ولجاس بەكتەنوۆ انتيكوردىڭ باسشىسى بولىپ تاعايىندالعاندا بۇل ەڭگٸمە بٸر كٶتەرٸلٸپ باسىلعان بولاتىن.
بۇل جولى «گيپەربورەي» ارناسىنىڭ جەتەكشٸسٸ, بەلگٸلٸ جۋرناليست ۆاديم بورەيكو بەكتەنوۆ پەن جاقسىبەكوۆتىڭ اراسىنداعى جەك-جاتتىق قاتىناستى تەرەڭٸرەك بٸلۋگە تىرىسىپتى.
ەرٸپتەسٸمٸز كەزەكتٸ ەفيرٸنە ساياساتكەر سانجار بوقاەۆتى شاقىرىپ, بەكتەنوۆ پەن جاقسىبەكوۆتىڭ اراسىندا قانداي جەك-جاتتىق قارىم-قاتىناس بار ەكەنٸن بٸلۋگە تالپىنادى. ول بوقاەۆقا «بەكتەنوۆ جاقسىبەكوۆتىڭ كٷيەۋ بالاسى ما?» دەگەن سۇراقتى تٶتەسٸنەن قويادى.
جۋرناليستٸڭ بۇل سۇراقتى بوقاەۆقا قويۋىنىڭ ٶزٸندٸك لوگيكاسى بار. ٶيتكەنٸ, بوقاەۆ بەكتەنوۆتەن بار بولعانى ەكٸ جاس قانا كٸشٸ, ەكەۋٸ دە الماتىنىڭ تۋماسى. سول سەبەپتٸ بورەيكو بوقاەۆتان بەكتەنوۆ پەن جاقسىبەكوۆتىڭ جەك-جاتتىق تۋىستىعى جايىندا بٸر حاباردى بٸلسە بوقاەۆ بٸلەر دەپ ٷمٸتتەنسە كەرەك. ٶكٸنٸشكە وراي, بورەيكونىڭ ٷمٸتٸ اقتالعان جوق.
– بەكتەنوۆ پەن جاقسىبەكوۆتىڭ اراسىندا قانداي جەك-جاتتىق بايلانىس بار ەكەنٸن بٸلمەيمٸن. ەگەر الداعى ۋاقىتتا بيلٸك باسىنداعىلار بٸر-بٸرٸنە «برات-سۆات» بولىپ شىعىپ جاتسا, ٶز باسىم وعان تاڭقالمايمىن, – دەپ سەكەڭ قىسقا قايىرىپتى.
بٸراق جۋرناليست بورەيكو بەكتەنوۆ پەن جاقسىبەكوۆتىڭ اراسىنداعى جەكجاتتىق قارىم-قاتىناستى بٸراز زەرتتەگەن ەكەن.
ول بەكتونوۆ ٷكٸمەت باسشىسى بولاردىڭ الدىندا ۆيكيپەدييا سايتىنا كٸرٸپ, ەدٸلبەك جاقسىبەكوۆتىڭ ٶمٸربايانىنا ٷڭٸلگەندە وندا ولجاس بەكتەنوۆتىڭ ەدٸلبەك جاقسىبەكوۆتىڭ كٷيەۋ بالاسى ەكەنٸ تايعا تاڭبا باسقانداي انىق جازىلعانىن كٶرەدٸ.
ارتىنشا ەرٸپتەسٸمٸز ۆيكيپەدييادان بەكتەنوۆتىڭ اۆتوبيوگرافيياسىن كٶز سالعاندا «جاقسىبەكوۆ بەكتەنوۆتىڭ قايىناتاسى» دەپ جازىلعانىن بايقايدى. سۇحبات بارىسىندا بورەيكو مۇنىڭ بەرٸن ۆيدەوسكرينشوتقا تٷسٸرٸپ, كومپيۋتەرٸنە جٷكتەپ العانىن تٸلگە تيەك ەتەدٸ.
ولجاس بەكتەنوۆ ٷكٸمەت باسشىسى بولىپ بەكٸگەننەن كەيٸن ۆيكيپەدييا سايتىنداعى ەلگٸ دەرەكتەردٸڭ بەرٸ ٶشٸرٸلگەنٸن جۋرناليست بايقايدى.
بورەيكو ۆيكيپەديياداعى ساياسي تۇلعالاردىڭ ٶمٸربايان دەرەكتەرٸن كەز كەلگەن ادامنىڭ تولتىرۋ مٷمكٸن ەكەنٸن ەسكەرٸپ, زوكون.كز سايتىنداعى دەرەكتەر بازاسىنا كٶز سالعاندا وندا ەدٸلبەك جاقسىبەكوۆتىڭ تۋىستارىنىڭ قاتارىندا بەكتەنوۆتىڭ جوق ەكەنٸنە كٶز جەتكٸزەدٸ.
ايتپاقشى, جاقسىبەكوۆتىڭ بيوگرافيياسىنا ٷڭٸلگەن كەز كەلگەن ادام ونىڭ كٸندٸگٸنەن تاراعان قىز بالانىڭ بولماعانىن بٸردەن بايقايدى.
ۆاديم بورەيكو مۇنىمەن شەكتەلەمەي, دانييار ەشٸمباەۆ شىعاراتىن «كتو ەست كتو ۆ كازاحستانە» جيناعىن پاراقتاعاندا ەدٸلبەك جاقسىبەكوۆتىڭ جالعىز ۇلى دەۋرەن جاقسىبەكوۆتىڭ بار ەكەنٸنە تاعى دا كٶز جەتكٸزەدٸ.
دەمەك بۇدان بەكتەنوۆ جاقسىبەكوۆتىڭ تٸكەلەي كٷيەۋ بالاسى ەمەس دەپ قورىتىندى شىعارۋعا بولادى.
سوندا بەكتەنوۆ پەن جاقسىبەكوۆتىڭ اراسىندا قانداي جەك-جاتتىق بايلانىس بولۋى مٷمكٸن?
بورەيكو ولجاس بەكتەنوۆتىڭ ەڭبەك جولىنا كٶز سالعاندا ونىڭ 2015-2016 جىلدارى ەدٸلبەك جاقسىبەكوۆ استانا قالاسىنىڭ ەكٸمٸ بولىپ تۇرعاندا استانا قالاسى ەكٸمدٸگٸ اپپاراتىنىڭ باسشىسى بولىپ قىزمەت اتقارعان بايقايدى.
دەمەك, «بەكتەنوۆ پەن جاقسىبەكوۆتىڭ اراسىندا جەك-جاتتىق بايلانىس بار» دەگەن جەل سٶزدٸ تاراتۋشىلار, قوس ساياسي تۇلعانىڭ بٸرگە قىزمەت ەتكەنٸن العا تارتىپ ەڭگٸمە تاراتۋى ىقتيمال.
الداعى ۋاقىتتا ەكٸ ازاماتتىڭ ٶزارا قانداي بايلانىسى بار ەكەنٸن ٶزدەرٸ اشىپ ايتار دەپ ٷمٸتتەنٸمٸز.
ەزٸرشە بورەيكونىڭ كٶمەگٸمەن بٸلگەنٸمٸز وسى.
