Úkimet otyrysynda premer-ministr Oljas Bektenov Túrkistan jáne Jambyl oblystarynda shegirtkege qarsy kúres sharalaryn kúsheitýdi tapsyrdy, dep habarlaidy Dalanews.kz.
Búgin úkimet otyrsynda aýyl sharýashylyǵy ministri Aidarbek Saparov qazirgi ýaqyttaǵy jaǵdai týraly baiandady.
AShM málimetteri boiynsha, shegirtkelerdiń taralýy 2,1 mln gektar aýmaqty qamtidy, bul ótken jylmen salystyrǵanda 1 mln gektarǵa az. Ziiankestermen kúresýge respýblikalyq biýdjetten 7,1 mlrd teńge bólingen. Jumysqa 443 búrikkish tehnikasy men 4 625 maman jumyldyrylǵan.
"12 mamyrdaǵy jaǵdai boiynsha Jambyl jáne Túrkistan oblystarynda shegirtke ziiankesteri dernásilderiniń taralýy baiqalady. 1 388,9 myń gektar jer zertteldi, onyń 396,6 myń gektary óńdeýge jatady. Naqtyraq aitsaq, 390,8 myń ga, onyń ishinde Jambyl oblysynda – 27,8 myń ga, Túrkistan oblysynda – 363,8 myń ga óńdeldi", - dedi ministr.
Premer-ministr qajetti qorǵaý sharalaryn júrgizýdi qamtamasyz etýdi jáne vedomstvo men óńirler arasyndaǵy ózara is-qimyldy kúsheitýdi tapsyrdy.
"Aidarbek Seipiluly, óńirlerdiń ákimderimen birlesip, ziiankesterge qarsy sapaly monitoringti, profilaktikalyq jáne qorǵaý sharalaryn júrgizýdi qamtamasyz etý kerek. Shegirtkeniń taralý boljamdaryn únemi jańartyp otyryp, jedel sharalar qabyldaý úshin vedomstvoaralyq úilestirýdi kúsheitý qajet.
Qazirgi sátte Túrkistan jáne Jambyl oblystarynda shegirtkemen kúreske erekshe nazar aýdaryńyz", - dedi Oljas Bektenov.
