Oljas Bektenov ESTA Construction kompaniiasymen eki apta ishinde quny $1,3 mlrd bolatyn tyńaitqysh zaýytynyń qurylysy boiynsha Investitsiialar týraly kelisim jasaýdy tapsyrdy, dep habarlaidy Dalanews.kz.
Qazaqstan Respýblikasynyń Premer-ministri Oljas Bektenov ESTA Construction kompaniiasynyń bas direktory Mustafa Toprakpen kezdesý ótkizdi. Jiynda Karbamid pen ammiak óndiretin zaýyt qurylysyna qatysty máseleler talqylandy.
Quny $1,35 mlrd-ty quraityn joba Mańǵystaý oblysynda, «Quryq» teńiz porty mańynda iri gaz-himiia óndirisin qurýdy kózdeidi. Zaýyttyń orny Kaspii teńizi arqyly ónimdi eksporttaýǵa ońtaily jaǵdailardy qamtamasyz etý úshin logistikalyq artyqshylyqtardy eskere otyryp tańdaldy. Zaýyt jylyna 700 myń tonnaǵa deiin karbamid jáne 42 myń tonna ammiak óndiredi, bul tyńaitqyshtar importyna táýeldilikti azaityp, elimizdiń aýyl sharýashylyǵy salasyn qosylǵan quny joǵary ónimmen qamtamasyz etýge múmkindik beredi. Jobany iske asyrý barysynda 3 myńǵa deiin maman tartylyp, qurylys nátijesinde 400 turaqty jumys orny ashylady.
Búgingi tańda Qazaqstanda tyńaitqyshtardyń úsh túrin óndirý jolǵa qoiylǵan: ammiak selitrasy, ammofos jáne ammonii sýlfaty. Sonymen qatar suranys 3,2 mln tonna ǵylymi qajettilik kezinde otandyq qýattar suranystyń 56%-yn qamtamasyz etip, jylyna 1,8 mln tonnaǵa jýyq tyńaitqysh óndiredi.
Oljas Bektenov ózimizde karbamid óndirisin qurý importqa táýeldilikti azaitýǵa jáne azyq-túlik qaýipsizdigin nyǵaitýǵa múmkindik beretinin basa aitty.
«Memleket basshysy elimizdiń agroónerkásip keshenin damytýǵa úlken kóńil bólýde. Ótken jyly ónim jinaý boiynsha rekordtyq kórsetkishke qol jetkizildi. Úkimet eginshilerdi qoldaýǵa 700 mlrd teńge bóldi. Mańyzdy másele – sapaly ári qoljetimdi mineraldy tyńaitqyshtarmen qamtamasyz etý. Sondyqtan sizdiń jobańyz karbamidke ishki suranysty qamtamasyz etý, sondai-aq ony importtaý turǵysynan bizdiń qyzyǵýshylyǵymyzdy týdyryp otyr», dep atap ótti QR Premer-ministri.
Sonymen qatar kezdesý barysynda aýyl sharýashylyǵy taýaryn óndirýshilerdi memlekettik qoldaý sharalary talqylandy. Qazirgi ýaqytta Qazaqstanda tyńaitqyshtar qunynyń 60%-na deiin jabatyn sýbsidiialaý baǵdarlamasy jumys isteidi, 2024 jyldyń naýryzynan bastap avanstyq sýbsidiialaý tetigi engizildi, sonyń arqasynda qarajat ónimniń ózindik qunyn tómendetý úshin óndirýshilerge aldyn ala qarajat aýdarylady. Ótken jyly bul maqsattarǵa 46,4 mlrd teńge bólindi, 2025 jylǵa 35 mlrd teńge qarastyryldy.
Kezdesý qorytyndysy boiynsha ýákiletti memlekettik organdarǵa barlyq rásimdi jedeldetilgen tártippen júrgizý jáne eki apta ishinde ESTA Construction kompaniiasymen iri investitsiialyq jobany iske asyrýdy bastaityn Investitsiialyq kelisim jobasyn qol qoiýǵa engizý tapsyryldy.
