Úkimet Prezident tapsyrmasyna sáikes, Salyq kodeksi boiynsha jurtshylyq pen biznes tarapynan túsetin usynystardy jinaqtap, muqiiat taldaý júrgizedi, dep habarlaidy Dalanews.kz.
Úkimet otyrysynda Premer-ministr Oljas Bektenov Prezident Qasym-Jomart Toqaevtyń Ulttyq quryltaida bergen tapsyrmalaryn, onyń ishinde jańa Salyq kodeksin jetildirý jónindegi tapsyrmalaryn júzege asyrýdyń túiindi sharttaryn atap ótti.
Jańa Salyq kodeksi ózgermeitin qaǵidalardyń jiyntyǵy retinde qabyldanbaýy kerek, bul týraly Prezident erekshe atap ótti.
"Osyǵan bailanysty Sizge, Serik Maqashuly, jurtshylyq pen biznes tarapynan kelip túsken usynystardy jinaqtap, muqiiat taldaýdy tapsyramyn. “Atameken” ulttyq palatasynyń ókilderin, ekonomister men sarapshylardy tarta otyryp, júieli ári úilesimdi jumys isteý kerek. Búgin Úkimette osyndai alǵashqy kezdesý ótkizesiz. Óńirlerdi de osy jumysqa belsendi tartý qajet. Qoǵamnyń kóterip otyrǵan máselelerin jedel qaraý kerek. Nátijesi boiynsha naqty usynystar engizińiz", - dep atap ótti Oljas Bektenov.
Eske salaiyq, kúni keshe quryltaida prezident salyq kodeksi týraly sóz qozǵaǵan bolatyn.
"Infliatsiiany tómendetý boiynsha jumys bastaldy, jańa investitsiialyq tsikl jariialandy, ózge de birqatar sheshimder qabyldanyp jatyr. Ekonomika men biznes jańa salyq erejeleri rejimine ótýde.
Úkimet pen jergilikti atqarýshy organdar «fiskaldyq tranzittiń» birqalypty ári qaqtyǵyssyz ótýin qamtamasyz etýge mindetti.
Jańa Salyq kodeksin qoldanýǵa qatysty qoǵam tarapynan aitylǵan barlyq oryndy, syndarly usynystardy muqiiat zerdelep, qajet bolǵan jaǵdaida tiisti túzetýler engizý kerek", - degen edi prezident.
