ٷكٸمەت پرەزيدەنت تاپسىرماسىنا سەيكەس, سالىق كودەكسٸ بويىنشا جۇرتشىلىق پەن بيزنەس تاراپىنان تٷسەتٸن ۇسىنىستاردى جيناقتاپ, مۇقييات تالداۋ جٷرگٸزەدٸ, دەپ حابارلايدى Dalanews.kz.
ٷكٸمەت وتىرىسىندا پرەمەر-مينيستر ولجاس بەكتەنوۆ پرەزيدەنت قاسىم-جومارت توقاەۆتىڭ ۇلتتىق قۇرىلتايدا بەرگەن تاپسىرمالارىن, ونىڭ ٸشٸندە جاڭا سالىق كودەكسٸن جەتٸلدٸرۋ جٶنٸندەگٸ تاپسىرمالارىن جٷزەگە اسىرۋدىڭ تٷيٸندٸ شارتتارىن اتاپ ٶتتٸ.
جاڭا سالىق كودەكسٸ ٶزگەرمەيتٸن قاعيدالاردىڭ جيىنتىعى رەتٸندە قابىلدانباۋى كەرەك, بۇل تۋرالى پرەزيدەنت ەرەكشە اتاپ ٶتتٸ.
"وسىعان بايلانىستى سٸزگە, سەرٸك ماقاشۇلى, جۇرتشىلىق پەن بيزنەس تاراپىنان كەلٸپ تٷسكەن ۇسىنىستاردى جيناقتاپ, مۇقييات تالداۋدى تاپسىرامىن. “اتامەكەن” ۇلتتىق پالاتاسىنىڭ ٶكٸلدەرٸن, ەكونوميستەر مەن ساراپشىلاردى تارتا وتىرىپ, جٷيەلٸ ەرٸ ٷيلەسٸمدٸ جۇمىس ٸستەۋ كەرەك. بٷگٸن ٷكٸمەتتە وسىنداي العاشقى كەزدەسۋ ٶتكٸزەسٸز. ٶڭٸرلەردٸ دە وسى جۇمىسقا بەلسەندٸ تارتۋ قاجەت. قوعامنىڭ كٶتەرٸپ وتىرعان مەسەلەلەرٸن جەدەل قاراۋ كەرەك. نەتيجەسٸ بويىنشا ناقتى ۇسىنىستار ەنگٸزٸڭٸز", - دەپ اتاپ ٶتتٸ ولجاس بەكتەنوۆ.
ەسكە سالايىق, كٷنٸ كەشە قۇرىلتايدا پرەزيدەنت سالىق كودەكسٸ تۋرالى سٶز قوزعاعان بولاتىن.
"ينفلياتسييانى تٶمەندەتۋ بويىنشا جۇمىس باستالدى, جاڭا ينۆەستيتسييالىق تسيكل جارييالاندى, ٶزگە دە بٸرقاتار شەشٸمدەر قابىلدانىپ جاتىر. ەكونوميكا مەن بيزنەس جاڭا سالىق ەرەجەلەرٸ رەجيمٸنە ٶتۋدە.
ٷكٸمەت پەن جەرگٸلٸكتٸ اتقارۋشى ورگاندار «فيسكالدىق ترانزيتتٸڭ» بٸرقالىپتى ەرٸ قاقتىعىسسىز ٶتۋٸن قامتاماسىز ەتۋگە مٸندەتتٸ.
جاڭا سالىق كودەكسٸن قولدانۋعا قاتىستى قوعام تاراپىنان ايتىلعان بارلىق ورىندى, سىندارلى ۇسىنىستاردى مۇقييات زەردەلەپ, قاجەت بولعان جاعدايدا تيٸستٸ تٷزەتۋلەر ەنگٸزۋ كەرەك", - دەگەن ەدٸ پرەزيدەنت.
