Premer-ministrdiń orynbasary – Ulttyq ekonomika ministri Serik Jumanǵarin Úkimet basshysy Oljas Bektenovtiń BI Group pen BAZIS-A kompaniialaryna nelikten shúilikkenin túsindirdi, dep habarlaidy Dalanews.kz.
Onyń aitýynsha, el arasynda “iri kásiporyndarǵa eshkim tiispeidi, al shaǵyn jáne orta bizneske aýyrtpalyq kóp túsedi” degen pikir qalyptasqan. Osy túsinikti joiý maqsatynda Úkimet basshysy salyqtyq baqylaýǵa alynǵan kompaniialardyń qatarynda iri qurylys kompaniialary da bar ekenin kórsetý úshin olardyń atyn ataǵan.
“Bizde salyqtan bosatylǵan nemese erekshe mártebege ie kásiporyndar joq. Barlyǵy birdei zańǵa baǵynady. Sondyqtan Premer-ministr BI Group pen BAZIS-A-ny mysal retinde keltirdi. Bul – salyq organdarynyń kúndelikti jumysynyń bir bóligi ǵana”, – dedi Jumanǵarin.
Ministrdiń sózinshe, salyq organdary iri biznes sýbektilerine ǵana emes, barlyq kásipkerge habarlama jiberip, tekseris júrgizedi.
“Ótken jyly salyq komiteti 400 myńnan astam habarlama taratqan. Bul – olardyń turaqty jumysy. Biraq sońǵy ýaqytta Úkimet salyqtyq baqylaýdy kúsheitpeidi, tabys kózderin izdemeidi degen syn kóbeiip ketti. Sol sebepti osy joly keibir mysaldardy ashyp kórsettik. Buǵan blogerlerge jiberilgen habarlamalar da kiredi. Qazirdiń ózinde 15 bloger óz tabysyn qaita eseptep, 75 mln teńge salyq tólegen. Qurylys salasyndaǵy alpaýyt kompaniialarǵa da osyndai talap qoiylyp otyr. Bul – bir ǵana mysal, salyq organdary kóptegen kásipkerlik nysandarymen jumys istep jatyr”, – dep qosty Jumanǵarin.
Eske salaiyq, 28 aqpanda premer-ministr Oljas Bektenov vitse-premer-ulttyq ekonomika ministri Serik Jumanǵarinmen jáne qarjy ministri Mádi Takievpen birge jumys keńesin ótkizdi.
Keńeste salyq-biýdjet reformasy jáne salyq túsimderin baqylaýdy kúsheitý máseleleri qaraldy.
Qarjy ministri Mádi Takiev júrgizilgen taldaý sheńberinde salyq tóleýshiler shaǵyn kásipkerlikti qoldaý jáne damytý maqsatynda buryn engizilgen arnaiy salyq rejimderin (SRP) paidalanǵany anyqtalǵanyn baiandady.
"Qarjy ministriniń aqparatynan salyq júktemesin ońtailandyrýdyń ártúrli shemalaryn qoldana otyryp, mindetin adal atqarmaityn kásipkerler baryn kórip otyrmyz. Milliardtaǵan ainalymmen olar biýdjetke ózderiniń tapqan paidasyna múldem sáikes kelmeitin somalardy tóleidi. Bizde osyndai iri kompaniialardyń tolyq tizimi bar. Ol tizimde BI Group, BAZIS jáne basqa da kóptegen iri qurylys kompaniiasy júr. Ekonomikanyń basqa salalarynda jumys isteitin belgili ári tanymal meiramhanalar, fitnes-klýbtar jáne ártúrli kompaniialar bar. Osy múmkindikti paidalana otyryp, qazir salyq júktemesin ońtailandyrýdyń túrli shemalaryn qoldanatyn iri kompaniialardyń ieleri men basshylaryna qarata aitqym keledi. Búgin-erteń sizderdiń kompaniialaryńyzǵa salyq organdarynan qosymsha salyq somalaryn tóleý qajettiligi týraly habarlamalar kelip túsedi", - dedi Bektenov.
Oljas Bektenov kásipkerlerden eki apta ishinde salyq organdaryna qosymsha salyq deklaratsiialaryn tapsyrýdy jáne shynaiy salyq somasyn tóleýdi surady.
