Bul – kóptiń kókeiindegi suraq. Almaty qalasynyń memlekettik bas sanitar dárigeri Jandarbek Bekshin osy saýaldarǵa jaýap berdi, dep habarlaidy Almaty.tv tilshisi.
Álemdegi ahýalǵa qarasaq, shekteý sharalaryn alǵan memleketterde epidemiologiialyq jaǵdai qaita nasharlap jatyr. Indet órship ketti. Osy tusta balalarǵa juǵý qaýpi joǵary deidi aq halattylar. "Arnaiy suhbat" baǵdarlamasynda Almaty qalasynyń memlekettik bas sanitar dárigeri Jandarbek Bekshin "Balabaqshalardy dál qazir ashý erte" dedi.
"Balabaqshalardy ashý máselesine kelsek, qazirgi ýaqytta kezekshi toptar ashý jaǵy qarastyrylýda. Sondyqtan bul másele áli sheshilgen joq. Bas sanitarlyq dárigerdiń qaýlysyna engizilgen joq", - dedi Almaty qalasynyń memlekettik bas sanitar dárigeri Jandarbek Bekshin.
Qaýlyǵa engizilimegeni túsinikti. Óitkeni, mektepke deiingi mekeme – aýrý tez taralatyn jer. Onda balalardyń bolýy jaǵdaidy tipten ýshyqtyrady. Sondyqtan qalanyń bas sanitary sheshim qabyldaýǵa asyqpaǵan abzal ekenin eskertti. Biraz ata-ana buǵan túsinistikpen qaraityndaryn jetkizdi. Táýekelge barmai, bóbekterdi ózderi nemese ata-ájelerine aparyp, jumysqa shyǵýyna bolatynyn aitady.
"Balalar aýyrsa, bizge aýyr tiedi. Sondyqtan balalardyń úide otyrǵany durys dep esepteimin. Qazir ata-analardyń kóbi jumyssyz otyrǵandyqtan, balalaryn ózderi baǵa alady. Nemese ata-ájeleriniń qolyna aparyp berse bolady. Qazir balalardyń úlkenderi de sabaqty mektepte oqymaidy ǵoi, úide oqyp jatqandyqtan olar kishkentailaryna qarailaidy degen úmittemiz", - dedi Aqmaral Toqabaeva.
"Bala-shaǵamyz úide. Qazir úlken balam 14-te, qalǵan úsheýine sol qarap otyr. Biz kelinshegim ekeýmiz jumystamyz", - deidi turǵyn Jalǵas Dáýletbaev.
Qalanyń bas sanitar dárigeri qala turǵyndaryna tótenshe jaǵdai aiaqtalǵanymen, karantin kúshin joimaǵanyn taǵy da eskertti. Sondyqtan adam kóp jinalatyn jerlerge barmaýǵa keńes berdi. Jumystaryn qaita bastaǵan kásiporyndar men sán salondary da sanitarlyq talaptardy qatań saqtaýy kerek. Jandarbek Bekshin bosańsýǵa bolmaitynyn aitty. Judyryqtai jumylsaq qana qaýipti indetten tez qutylatynymyzdy qaperde ustaiyq.
