Bekshin almatylyq oqýshylary oflain formatta oqi alatynyn aitty
– Biz Memleket basshysynyń oqýshylardyń oflain rejimde oqýlary tiis degen tapsyrmasyn oryndaýǵa mindettimiz. Ol úshin qaýipsiz jaǵdailardy qamtamasyz etýimiz kerek. Biz sol úshin jumys istep jatyrmyz, – dedi Almaty qalasy SEBD basshysy.
Jandarbek Bekshin, birinshiden, megapolistiń barlyq mektepterinde Ashyq jobasyn engiziletinin aitty. Bul oqý oryndaryna dert juqtyrǵan nemese KVI-men aýyrǵandarmen bailanysta bolǵandardyń kirýine jol bermeý úshin jasalady. Búginde «Atameken» aýmaqtyq palatasynyń aqparaty boiynsha, mektepter men mektepke deiingi mekemelerdiń 100%-y QR-kodyn aldy jáne 1 qyrkúiekten bastap Ashyq-ta jumys jasaýǵa daiyn.
– Qorǵanýdyń ekinshi jelisi – oqýshylar jinalatyn oryndarda – ashanalarda, jýynatyn bólmelerde retsirkýliatorlardy engizý. Biz bul máseleni mektep ákimshiligimen qarastyryp, ata-analar komitetimen talqylaityn bolamyz. Úshinshi jeli – synyptarda aýany tazartatyn dezoratorlardy ornatý. Bul japondyq innovatsiialyq qurylǵy. Qurylǵylar Qazaqstanǵa jetkizildi. Dezinfektsiia quraldary Densaýlyq saqtaý ministrliginiń Sanitarlyq-epidemiologiialyq baqylaý komitetinde sertifikattalǵan, synalǵan jáne tirkelgen. Eger bul baǵdarlama maquldansa, ony engizetin bolamyz, – dedi Almaty qalasynyń bas sanitarlyq dárigeri.
Ol vedomstva jumysyndaǵy basty másele qala oqýshylarynyń qaýipsizdigin qamtamasyz etý ekenin erekshe atap ótti.
– Biz balalarymyzdyń qaýipsiz ortada oqýyna muqiiat daiyndalýdamyz. Al biz olarǵa biyl oflain rejimde bilim berýimiz kerek. Bir jyldan beri balalar qashyqtan oqydy, jáne bul, árine, bilim sapasyna áser etedi, – dep qosty Jandarbek Bekshin.
Stýdentterge keletin bolsaq, Almaty qalalyq SEBD basshysy qalanyń joǵary oqý oryndary men kolledjder oqytýshylarynyń joǵary deńgeide vaktsinalanǵanyn habarlady. Sondai-aq, joǵary jáne orta arnaýly oqý oryndaryna Ashyq júiesin engizý týraly másele qoiylady. Jandarbek Bekshin stýdentter arasynda vaktsinatsiia boiynsha túsindirý jumystary júrgizilip jatqanyn atap ótti.
– Stýdentter de onlain oqýdan mezi boldy. Biraq olardy tolyqtai qamtamasyz etý úshin barlyq talaptardy oryndap, mektepterde ǵana emes, qalanyń kolledjderi men joǵary oqý oryndarynda da qaýipsiz bilim alýǵa jaǵdai jasaý qajet, – dedi Almaty qalasynyń bas sanitarlyq dárigeri.
